ହାଇଦ୍ରାବାଦ: ଆଉ ମାତ୍ର କିଛି ଘଣ୍ଟାର ଅପେକ୍ଷା... ଆରମ୍ଭ ହୋଇଯିବ ବିଶ୍ବର ସବୁଠାରୁ ବଡ କ୍ରୀଡା ମହାକୁମ୍ଭ ପ୍ୟାରିସ ଅଲିମ୍ପିକ୍ସ । ଏନେଇ ଆରମ୍ଭ ହୋଇଛି କାଉଣ୍ଟଡାଉନ । ସମୟ ଯେତିକି ପାଖଉଛି କ୍ରୀଡା ପ୍ରେମୀଙ୍କ ଉତ୍ସାହ ସେତିକି ବଢୁଛି । ସୁରକ୍ଷାକୁ ମଧ୍ୟ କଡାକଡି କରାଯାଇଛି । ପ୍ୟାରିସରେ ଏକାଠି ହୋଇଛନ୍ତି ବିଶ୍ବର ବଛା ବଛା ଖେଳାଳି । ମେଡାଲ ଲକ୍ଷ୍ୟରେ ପ୍ରତିଦ୍ବନ୍ଦ୍ବିତା କରି ବିଦେଶ ମାଟିରେ ନିଜର ଦେଶକୁ ଗର୍ବୀତ କରାଇବେ । ଆସନ୍ତାକାଲି ଠାରୁ ଅଗଷ୍ଟ 11 ତାରିଖ ପର୍ଯ୍ୟନ୍ତ ଚାଲିବ ଅଲିମ୍ପିକ୍ସ । ଫ୍ରାନ୍ସର ସ୍ଥାନୀୟ ସମଯ ସନ୍ଧ୍ୟା 7ଟା ପରେ ଆରମ୍ଭ ହେବ ଉଦଘାଟନି ଉତ୍ସବ ସହ ରଙ୍ଗାରଙ୍ଗ କାର୍ଯ୍ୟକ୍ରମ । ଏଥିରେ ସାମିଲ ହେବେ ସମସ୍ତ ଅଲମ୍ପିଆନ । ଦୀର୍ଘ 100 ବର୍ଷ ପରେ ପ୍ୟାରିସକୁ ଅଲିମ୍ପିକ୍ସ ଫେରିଥିବାରୁ ଉତ୍ସାହିତ ପ୍ୟାରିସବାସୀ । ଶେଷ ଥର ପାଇଁ 1924ରେ ଆୟୋଜନ କରାଯାଇଥିଲା ।
Which iconic opening ceremony moments do you remember? 🤩
— The Olympic Games (@Olympics) July 24, 2024
As we count down to Games time, we look back at some of the best moments from previous opening ceremonies that lit the torch at the Olympic Games. 🔥#Olympics | #Paris2024 pic.twitter.com/H7mWpwHze3
ପ୍ରଥମ ଥର ଷ୍ଟାଡିୟମ ବାହାରେ ଉଦଘାଟନୀ ଉତ୍ସବ: ଦୀର୍ଘ ଏକ ଶତାବ୍ଦୀ ପରେ ପ୍ୟାରିସକୁ କ୍ରୀଡା ମହାକୁମ୍ଭ ଫେରିଥିବାରୁ ଏହାକୁ ଟିକିଏ ଭିନ୍ନ କରିବାକୁ ସମସ୍ତ ପ୍ରକାର ବ୍ୟବସ୍ଥା କରିଛନ୍ତି ଆୟୋଜକ । ଏଥର ଷ୍ଟାଡିୟମ ନୁହଁ ବର ବାହାରେ ଉଦଘାଟନୀ ଉତ୍ସବ ଆଯୋଜନ କରାଯିବ । ଯାହା ପ୍ରଥମ ଥର ଅଲିମ୍ପିକ୍ସ ଇତିହାସରେ ଦେଖିବାକୁ ମିଳିବ । ପୂର୍ବରୁ କେବେ ଉଦଘାଟନୀ ଉତ୍ସବ ଷ୍ଟାଡିଯମ ବାହାରେ ହୋଇନାହିଁ । ଏଥର ନଦୀ ଗର୍ଭରେ ଉତ୍ସବର ଆୟୋଜନ କରାଯିବ । ଫ୍ରାନ୍ସର ସେନ ନଦୀର ଅଷ୍ଟ୍ରେର୍ଲିଜ ବ୍ରିଜ ଠାରୁ ଆଇଫିଲ ଟାଓ୍ବାର ପର୍ଯ୍ୟନ୍ତ ଉତ୍ସବ ଚାଲିବ । ଏହି ଦୁଇ ସ୍ଥାନ ମଧ୍ୟରେ ଦୂରତା 6 କିଲୋମିଟର ରହିଛି ।
ଡଙ୍ଗାରେ ନଦୀ ଯାତ୍ରା କରିବେ ଆଥଲେଟ୍ସ: ଏଥର ଅଲିମ୍ପିକ୍ସ ଷ୍ଟାଡିୟମରେ ପରେଡ୍ ଅଫ୍ ନେସନ୍ସ ଅନୁଷ୍ଠିତ ହେବ ନାହିଁ ବରଂ ଏହା ବଦଳରେ ସେନ୍ ନଦୀରେ ଏକ ଶୋଭାଯାତ୍ରା ଅନୁଷ୍ଠିତ ହେବ। ଆଥଲେଟ୍ସ ମାନେ ଡଙ୍ଗା ଦ୍ବାରାରେ ଯାତ୍ରା କରିବେ । ପରେଡ୍ ଅଫ୍ ନେସନ୍ସ ଆଷ୍ଟର୍ଲିଜ୍ ବ୍ରିଜ୍ ତଳେ ଆରମ୍ଭ ହେବ ଏବଂ ନୋଟରେ-ଡ୍ୟାମ୍, ପଣ୍ଟ୍-ନେଉଫ୍ ଏବଂ ଲୁଭ୍ରେ ଭଳି ଆଇକନିକ୍ ପ୍ୟାରିସିଆନ୍ ଲ୍ୟାଣ୍ଡମାର୍କ ଏବଂ ଇଭେଣ୍ଟ ଆୟୋଜନ କରୁଥିବା କେତେକ ସ୍ଥାନ ଦେଇ ଅତିକ୍ରମ କରିବ । ଆଇଫେଲ୍ ଟାୱାର ନିକଟରେ ଥିବା ଏକ ଏସପ୍ଲାନେଡ୍ ଟ୍ରୋକାଡେରୋରେ ଡଙ୍ଗା ଯାତ୍ରା ଶେଷ ହେବ । ସେହିପରି ଦର୍ଶକ ମାନେ ନଦୀ ତଟରେ ରହି ଉଦଘାଟନୀ ଉତ୍ସବ ଦେଖିପାରିବେ । ପରେଡ 4 ଘଣ୍ଟା ପର୍ଯ୍ୟନ୍ତ ଚାଲିବ ।
ପ୍ୟାରିସରେ କଡା ସୁରକ୍ଷା ବ୍ୟବସ୍ଥା: ଅଲିମ୍ପିକ୍ସ ପାଇଁ ପ୍ୟାରିସକୁ 12 ମଲିୟନ ଲୋକକଙ୍କ ସମାଗମ ହୋଇପାରେ ବୋଲି କୁହାଯାଉଛି । ଏଥି ପାଇଁ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି । ଖେଳାଳି ହୁଅନ୍ତୁ କି କ୍ରୀଡା ପ୍ରେମୀ ଯେମିତି କେହିବି ଅସୁବିଧାର ସମ୍ମୁଖୀନ ନହୁଅନ୍ତି ସେଥି ପାଇଁ ସମସ୍ତ ପ୍ରକାର ବ୍ୟବସ୍ଥା କରାଯାଇଛି । ସୁରକ୍ଷା ଦୃଷ୍ଟିରୁ ସେନ୍ ନଦୀ କୂଳରେ ପ୍ରାୟ 3 ଲକ୍ଷ ଦର୍ଶକଙ୍କ ପାଇଁ ବ୍ୟବସ୍ଥା କରାଯାଇଛି । ନଦୀ କୂଳରେ ଦର୍ଶକଙ୍କ ସୁରକ୍ଷା ପାଇଁ 80 ଟି ବିଶାଳ ପରଦା ମଧ୍ୟ ରହିବ । ସେହିପରି 45 ହଜାର ପୋଲିସ କର୍ମଚାରୀଙ୍କୁ ମୁତୟନ କରାଯିବ । ଉତ୍ସବଲ ଦିନ ସହରରେ କାର ଚଳା ବିମାନ ଓ ମେଟ୍ରୋ ସେବା ବନ୍ଦ ରହିବ ।
ଅଲିମ୍ପିକ୍ସ ଉଦଘାଟନ କରିବେ ଫ୍ରାନ୍ସ ରାଷ୍ଟ୍ରପତି: ଉଦଘାଟନୀ ଉତ୍ସବରେ ମୁଖ୍ୟ ଅତିଥି ଭାବେ ଫ୍ରାନ୍ସ ରାଷ୍ଟ୍ରପତି ଇମାନୁଏଲ୍ ମାକ୍ରନ୍ ଏବଂ ଆଇଓସି ସଭାପତି ଥୋମାସ୍ ବାଚଙ୍କ ଦ୍ବାରା ଆରମ୍ଭ ହେବ । ଫରାସୀ ପତାକା ଉତ୍ତୋଳନ ସମୟରେ ଫ୍ରାନ୍ସର ଜାତୀୟ ସଂଗୀତ ଗାନ କରାଯିବ। ଏହା ପରେ ପରେରେଡ୍ ଅଫ୍ ନେସନ୍ସ ହେବ । ପ୍ୟାରେଡରେ ପ୍ରାୟ 94 ଟି ଡଙ୍ଗା ସାମିଲ କରାଯାଇଛି। ଏନବିସି ଚ୍ୟାନେଲରେ ଉତ୍ସବର ସିଧାପ୍ରସାରଣ କରାଯିବ । ଆଥଲେଟ୍ସଙ୍କୁ ଅତି ନିକଟରେ ଦେଖିବାକୁ ସମସ୍ତ ଡଙ୍ଗାରେ କ୍ୟାମେରା ଲଗାଯିବାର ବ୍ୟବସ୍ଥା କରାଯାଇଛି । ସେହିପରି ସାଂସ୍କୃତିକ କାର୍ଯ୍ୟକ୍ରମର ମଧ୍ୟ ଆୟୋଜନ କରାଯିବ । ସେହିପରି 100 ରାଜ୍ୟର ମୁଖ୍ୟ ମଧ୍ୟ ଉତ୍ସବରେ ସାମିଲ ହେବେ ।
32ଟି କ୍ରୀଡାରେ 329ଟି ଇଭେଣ୍ଟ: 208 ଦେଶର 10 ହଜାରରୁ ଊର୍ଦ୍ଧ୍ବ ଖେଳାଳି ଅଲିମ୍ପିକ୍ସରେ ଅଂଶ ଗ୍ରହଣ କରିବେ । ସେମାନଙ୍କ ମଧ୍ୟରୁ ଅଧିକାଂଶ ସେନ୍ ନଦୀ କୂଳରେ ଅବସ୍ଥିତ 54 ହେକ୍ଟର ଅଲିମ୍ପିକ୍ସ ଗ୍ରାମରେ ରହିବେ । ଭାରତରୁ 117 ଜଣ କ୍ରୀଡାବିତ ଏହି କ୍ରୀଡା ମହାକୁମ୍ଭରେ ଅଂଶ ଗ୍ରହଣ କରିବେ । 32ଟି କ୍ରୀଡାରେ 329ଟି ଇଭେଣ୍ଟ ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
