ରାୟପୁର: ସଡ଼କ ଦୁର୍ଘଟଣାରେ ପ୍ରାଣ ହରାଇଲେ ଛତିଶଗଡୀ ଅଭିନେତା । ଛତିଶଗଡୀ ଚଳଚ୍ଚିତ୍ରରେ ଖଳନାୟକ ଭୂମିକାରେ ଅଭିନୟ କରୁଥିବା ଅଭିନେତା ସୁରଜ ମେହେର ଆଉ ନାହାଁନ୍ତି । ଗତ(ବୁଧବାର) ବିଳମ୍ବିତ ରାତିରେ ଏକ ସଡ଼କ ଦୁର୍ଘଟଣାରେ ସୁରଜଙ୍କ ମୃତ୍ୟୁ ଘଟିଛି । ସେ "ଆଖ୍ରୀ ଫୈସଲା"ଫିଲ୍ମର ସୁଟିଂ ସାରି ଘରକୁ ଫେରୁଥିବା ବେଳେ ତାଙ୍କ କାର୍ ଦୁର୍ଘଟଣାଗସ୍ତ ହୋଇଥିଲା । ସେହିପରି ଗତ କାଲି ତାଙ୍କର ନିର୍ବନ୍ଧ ହୋଇଥିଲା । ଏକ ଦୁର୍ଘଟଣାରେ ସୁରଜଙ୍କ ଆକସ୍ମିକ ମୃତ୍ୟୁ ପରେ ଛତିଶଗଡ ଚଳଚ୍ଚିତ୍ର ଜଗତରେ ଶୋକର ଛାୟା ଖେଳିଯାଇଛି ।
ସୂଚନାଯୋଗ୍ୟ, ବିରିସପୁରର ସେନ୍ଦରୀ ଗ୍ରାମରେ ଥିବା ଶ୍ରୀରାଇସ୍ ମିଲରେ ଫିଲ୍ମ "ଆଖ୍ରୀ ଫୈସଲା" ସୁଟିଂ ପାଇଁ ଯାଇଥିଲେ ସୁରଜ । ଏହାପରେ ସୁଟିଂ ସାରି ବିଳମ୍ବିତ ରାତିରେ ନିଜ କାର୍ ଯୋଗେ ସେ ଘରକୁ ଫେରୁଥିଲେ ।ଏହି ସମୟରେ ଭିଲେଇଗଡ ସରସ୍ବିନା ଅଞ୍ଚଳରେ ଏକ ପିକଅପ୍ ଗାଡି ସହ ମୁହାଁମୁହିଁ ଧକ୍କା ହୋଇଥିଲା ।ଏହି ଦୁର୍ଘଟଣାଟି ଏତେ ଭୟଙ୍କର ଥିଲା ଯେ କାର ଆଗରେ ବସିଥିବା ସୁରଜଙ୍କ ଘଟଣାସ୍ଥଳରେ ମୃତ୍ୟୁ ହୋଇଥିଲା ।
ତେବେ ଗତ ବୁଧବାର ସକାଳେ ସୁରଜ ମେହେରଙ୍କ ପରିବାର ଏହି ଦୁଃଖଦ ଘଟଣା ବିଷୟରେ ଖବର ପାଇଥିଲେ । ପରିବାର ଲୋକେ ସଙ୍ଗେ ସଙ୍ଗେ ଘଟଣାସ୍ଥଳରେ ପହଞ୍ଚି ସେଠାରେ ପୋଲିସ ସହାୟତାରେ ସୁରଜଙ୍କ ମୃତଦେହକୁ ସାରଙ୍ଗ ଜିଲ୍ଲା ଡାକ୍ତରଖାନାକୁ ପଠାଇଥିଲେ । ଏହି ଘଟଣାରେ ତାଙ୍କର ଅନ୍ୟ ଦୁଇ ସାଥୀ ମଧ୍ୟ ଗୁରୁତର ଆହତ ହୋଇଥିବା ଜଣାପଡ଼ିଛି । ଗୁରୁତର ଦୁଇ ଜଣ ହେଲେ ଆର୍ଯ୍ୟ ଭର୍ମା ଏବଂ ଡ୍ରାଇଭର ଭୁପେଶ ପାଟଲେ । ସେମାନଙ୍କୁ ଭିଲେଇଗଡ ଡାକ୍ତରଖାନାରେ ଭର୍ତ୍ତି କରାଯାଇଥିଲା । କିନ୍ତୁ ସେମାନଙ୍କ ଅବସ୍ଥା ଗୁରୁତର ହେବାରୁ ସେମାନଙ୍କୁ ବିଲାସପୁରକୁ ସ୍ତାନାନ୍ତରଣ କରାଯାଇଥିଲା ।
ଏହା ମଧ୍ୟ ପଢନ୍ତୁ..... ରାତିରେ ରାସ୍ତାରେ କାମ କରୁଥିଲେ, 3 ଯୁବକଙ୍କୁ ଚାପି ଦେଲା ଅଜଣା ଗାଡି - Bargarh Accident
ଭୋଜପୁରୀ ଅଭିନେତା ପ୍ରଦୀପ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି: ପ୍ରସିଦ୍ଧ ଛତିଶଗଡୀ ଏବଂ ଭୋଜପୁରୀ ଚଳଚ୍ଚିତ୍ର ଅଭିନେତା ତଥା ହାସ୍ୟ ଅଭିନେତା ପ୍ରଦୀପ ଶର୍ମା ସୁରଜଙ୍କ ମୃତ୍ୟୁକୁ ନେଇ ଗଭୀର ଦୁଃଖ ପ୍ରକାଶ କରିଛନ୍ତି । ସେ କହିଛନ୍ତି, "ଏପ୍ରିଲ 9ରେ, ସୋରାଜ ମେହେର ସକାଳ 2 ଟା ପର୍ଯ୍ୟନ୍ତ ମୋ ସହିତ" ଆଖ୍ରୀ ଫୈସଲା "ଚଳଚ୍ଚିତ୍ରର ସୁଟିଂ ଶେଷ କରିଥିଲେ । ଏପ୍ରିଲ 10ରେ ତାଙ୍କର ନିର୍ବନ୍ଧ ହୋଇଥିଲେ । ଆମେ ଆମର ଶେଷ ଦୃଶ୍ୟ ସାରି ତାଙ୍କୁ ଆଶୀର୍ବାଦ ଦେଇଥିଲୁ । "
ଏହା ପୂର୍ବରୁ ବିଲାସପୁର ଅଭିନେତା ଅନୁପମ ଭରଗାଭା ମଧ୍ୟ ସମାନ ସଡ଼କ ଦୁର୍ଘଟଣାରେ ପ୍ରାଣ ହରାଇଥିଲେ । ଅନୁପମ ତାଙ୍କ ପତ୍ନୀ ବିଲାସପୁରରୁ ରାୟପୁର ଯାଉଥିଲେ । ଏହି ସମୟରେ ତାଙ୍କ କାର ଆଗରେ ଆଉ ଏକ ଗାଡି ଆସିଥିଲା, ଫଳରେ ସେ ଭାରସାମ୍ୟ ହରାଇ ଦୁର୍ଘଟଣାର ଶିକାର ହୋଇ ପ୍ରାଣ ହରାଇଥିଲେ ।
ବ୍ୟୁରୋ ରିପୋର୍ଟ , ଇଟିଭି ଭାରତ
