ଶ୍ରୀନଗର: ଆରମ୍ଭ ହେଲା ବହୁ ପ୍ରତିକ୍ଷୀତ ଅମରନାଥ ଯାତ୍ରା । ପ୍ରଥମ ବ୍ୟାଚରେ ୨ଟି ମାର୍ଗରେ ୪ ହଜାର ୬୦୩ ତୀର୍ଥଯାତ୍ରୀ ଅମରନାଥଙ୍କ ଦର୍ଶନ ନିମନ୍ତେ ବାହାରି ଯାଇଛନ୍ତି । କଡା ସୁରକ୍ଷା ଓ ବ୍ୟାପକ ବ୍ୟବସ୍ଥା ମଧ୍ୟରେ ଯାତ୍ରୀମାନେ ପହଲଗାମ-ନୁନ୍ଓ୍ବାନ ଓ ବାଲଟାଲ ୨ଟି ମାର୍ଗରୁ ବାହାରିଛନ୍ତି । ହିମାଳୟରେ ଅବସ୍ଥିତ ମହାପ୍ରଭୁ ହିମସ୍ୱରୂପ ଶିବଲିଙ୍ଗ ରୂପର ଦର୍ଶନ ପାଇଁ ଭକ୍ତମାନଙ୍କ ମଧ୍ୟରେ ପ୍ରବଳ ଉତ୍ସାହ ଦେଖିବାକୁ ମିଳିଛି । ହର ହର ମହାଦେବ, ବମ ବମ ଭୋଲେ ଜୟ ଜୟକାର କରି ଭକ୍ତମାନେ ସେମାନଙ୍କର ଯାତ୍ରା ଆରମ୍ଭ କରିଛନ୍ତି । ୫୨ ଦିବସୀୟ ଏହି ଯାତ୍ରା ଅଗଷ୍ଟ ୧୯ ତାରିଖରେ ଶେଷ ହେବ ।
ଦକ୍ଷିଣ କାଶ୍ମୀର ହିମାଳୟ ପର୍ବତରେ ଅବସ୍ଥିତ ହିମସ୍ୱରୂପ ଶିବଲିଙ୍ଗ ଦର୍ଶନ ନିମନ୍ତେ ଭକ୍ତମାନଙ୍କ ମଧ୍ୟରେ ଦେଖିବାକୁ ମିଳିଛି ପ୍ରବଳ ଉତ୍ସାହ । ଆଜିଠୁ (ଶନିବାର) ଆରମ୍ଭ ହୋଇଯାଇଛି ଚଳିତ ବର୍ଷର ବାର୍ଷିକ ଅମରନାଥ ଯାତ୍ରା । ପ୍ରଥମ ବ୍ୟାଚରେ ୪ ହଜାର ୬୦୩ ତୀର୍ଥଯାତ୍ରୀ ୨ ମାର୍ଗରେ ସେମାନଙ୍କର ଯାତ୍ରା ଆରମ୍ଭ କରିଛନ୍ତି । ଯାତ୍ରାର ନୋଡାଲ ଅଧିକାରୀ, ଜିଲ୍ଲା ବିକାଶ ଆୟୁକ୍ତ, ପୋଲିସ ପ୍ରଶାସନ ଓ ଅନ୍ୟ ବିଭାଗୀୟ ଅଧିକାରୀମାନେ ସବୁଜ ପତାକା ଦେଖାଇ ପହଲଗାମ- ନୁନ୍ଓ୍ବାନ ଓ ବାଲଟାଲ ମାର୍ଗରୁ ଯାତ୍ରା ଶୁଭାରମ୍ଭ କରିଥିଲେ । କଡା ସୁରକ୍ଷା ଓ ବ୍ୟାପକ ବ୍ୟବସ୍ଥା ମଧ୍ୟରେ ଯାତ୍ରୀମାନେ ଭଗବାନଙ୍କ ଦର୍ଶନ ପାଇଁ ବାହାରିଛନ୍ତି ।
ଏହାମଧ୍ୟ ପଢନ୍ତୁ.. 29ରୁ ଅମରନାଥ ଯାତ୍ରା, ଜାଣନ୍ତୁ କଣ କରିବେ କଣ କରିବେନି ? - Amarnath Yatra 2024
