भीषण आगीत दोन दुकान जळून खाक; संगमेश्वर बाजारपेठेतील घटनेनं नागरिकांना हादरा - Fire In Sangameshwar Market

रत्नागिरी Fire In Sangameshwar market: संगमेश्वर बाजारपेठेत मोठी आग लागली असून या आगीत दोन दुकानं जळून खाक झाली आहेत. आज पहाटेच्या सुमारास ही घटना घडली. यात प्रशांत बेंडके किराणा दुकान आणि भावेश पटेल यांचे शक्ती ट्रेडर्स या दुकानांना आग लागल्याची प्राथमिक माहिती घटनास्थळावरुन मिळाली आहे. देवरुख नगरपंचायतीचा बंब घटनास्थळी दाखल झाला आहे. बंबासह स्थानिक ग्रामस्थांनी आगीवर नियंत्रण मिळवण्याचा  प्रयत्न सुरू केला. मात्र, या आगीत दोन दुकानांचं मोठं नुकसान झालं आहे. पहाटे संगमेश्वर बाजारपेठेत आग लागल्यानं नागरिकांची मोठी धावपळ झाली. आगीनं रौद्र रुप धारण केल्यानं संगमेश्वर बाजारपेठेतील इतर दुकानंही आगीच्या भक्ष्यस्थानी पडण्याची भीती व्यक्त करण्यात येत होती. मात्र देवरुख नगरपंचायतीचा आगीचा बंब वेळेवर दाखल झाल्यानं अग्निशमन दलाच्या जवानांनी आगीवर नियंत्रण मिळवलं.