മലപ്പുറം : കൊണ്ടോട്ടിയില്‍ പാമ്പ് കടിയേറ്റ രണ്ട് വയസുകാരന്‍ മരിച്ചു. പെരിന്തൽമണ്ണ തൂത സ്വദേശി സുഹൈൽ -ജംഷിയ ദമ്പതികളുടെ മകൻ മുഹമ്മദ് ഉമറാണ് മരിച്ചത്. ഇന്നലെ (ഫെബ്രുവരി 8) വീട്ടുമുറ്റത്ത് കളിച്ച് കൊണ്ടിരിക്കേയാണ് കുഞ്ഞിന് പാമ്പ് കടിയേറ്റത്.
കുട്ടിയുടെ കരച്ചില്‍ കേട്ട് എത്തിയ മാതാപിതാക്കളാണ് കുട്ടിയുടെ കാലില്‍ പാമ്പ് കടിച്ചതായി കണ്ടെത്തിയത്. കാലില്‍ പാമ്പ് കടിച്ചതിന്‍റെ പാടുകള്‍ ഉണ്ടായിരുന്നു. ഉടന്‍ തന്നെ കുഞ്ഞിനെ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചെങ്കിലും രാത്രിയോടെ മരിക്കുകയായിരുന്നു.
