കരിപ്പൂരില്‍ ഇറങ്ങേണ്ട വിമാനങ്ങൾ വഴിതിരിച്ച് വിട്ടു ; വലഞ്ഞ് യാത്രക്കാര്‍ - flights diverted at Karipur airport

കനത്ത മൂടൽ മഞ്ഞിനെ തുടർന്ന് കരിപ്പൂർ വിമാനത്താവളത്തിൽ ഇറങ്ങേണ്ട വിമാനങ്ങൾ വഴിതിരിച്ച് വിട്ടു. രണ്ട് ഇൻഡിഗോ വിമാനങ്ങളും ഒരു എയർ ഇന്ത്യ വിമാനവുമാണ് വഴിതിരിച്ച് വിട്ടത്.

കോഴിക്കോട് : കരിപ്പൂർ വിമാനത്താവളത്തിൽ ഇറങ്ങേണ്ട വിമാനങ്ങൾ വഴിതിരിച്ച് വിട്ടതോടെ വലഞ്ഞ് യാത്രക്കാര്‍. കനത്ത മൂടൽ മഞ്ഞിനെ തുടർന്നാണ് വിമാനങ്ങൾ വഴിതിരിച്ചുവിട്ടത്. മലപ്പുറം കോഴിക്കോട് ജില്ലകളിൽ പുലർച്ചെ മുതൽ കനത്ത മഴയായിരുന്നു. അതാണ് മൂടല്‍ മഞ്ഞിന് കാരണമായത്.

രണ്ട് ഇൻഡിഗോ വിമാനങ്ങൾ കോയമ്പത്തൂരിലേക്കും ഒരു എയർ ഇന്ത്യ വിമാനം നെടുമ്പാശ്ശേരിയിലേക്കുമാണ് വഴിതിരിച്ച് വിട്ടിരുന്നത്. അന്തരീക്ഷം സുഗമമായതോടെ വിമാനങ്ങൾ തിരിച്ചെത്തി. ഇനി ഒരു ഗൾഫ് എയർ വിമാനമാണ് ലാൻഡ് ചെയ്യാനുള്ളത്.