പത്തനംതിട്ട: ശബരിമല പുതിയ മേല്‍ശാന്തിയായി എസ്‌ അരുണ്‍ കുമാര്‍ നമ്പൂതിരിയെ തെരഞ്ഞെടുത്തു. കൊല്ലം ശക്തികുളങ്ങര സ്വദേശിയാണ് അരുണ്‍ കുമാര്‍. ആറ്റുകല്‍ മുന്‍ മേല്‍ ശാന്തിയും നിലവില്‍ ലക്ഷ്‌മി നട ക്ഷേത്രത്തിലെ പൂജാരിയുമാണ് അദ്ദേഹം. മാളികപ്പുറം മേല്‍ശാന്തിയായി കോഴിക്കോട് തിരുമംഗലത്ത് ഇല്ലം ടി വാസുദേവന്‍ നമ്പൂതിരിയെയും തെരഞ്ഞെടുത്തു. ഉഷപൂജയ്‌ക്ക് ശേഷം രാവിലെ 7.30ഓടെയാണ് നറുക്കെടുപ്പ് നടന്നത്.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക
പന്തളം രാജകൊട്ടാരം പ്രതിനിധികളായ ഋഷികേഷ്‌ വര്‍മ, വൈഷ്‌ണവി എന്നിവരാണ് മേല്‍ശാന്തിമാരെ തെരഞ്ഞെടുക്കാനുള്ള നറുക്കെടുത്തത്. മണ്ഡലകാലത്തിന് തുടക്കം കുറിച്ച്‌ നട തുറക്കുന്ന നവംബർ 15നാണ് പുതിയ മേല്‍ശാന്തിമാർ ചുമതല ഏറ്റെടുക്കുക. തുലാമാസ പൂജകള്‍ക്ക് ശേഷം 21ന് രാത്രി 10ന് നട അടക്കും.
