ഹൈദരാബാദ് : ഇന്ത്യയിലെ മുൻനിര വിമാനക്കമ്പനികളിൽ ഒന്നായ സ്‌പൈസ് ജെറ്റ് ഹൈദരാബാദ്-അയോധ്യ വിമാന സർവീസ് നിർത്തിവച്ചു. മതിയായ യാത്രക്കാരില്ലാത്തതിനാൽ ഈ മാസം 1 മുതൽ ഹൈദരാബാദിൽ നിന്ന് അയോധ്യയിലേക്കുള്ള തങ്ങളുടെ വിമാന സർവീസ് താത്‌കാലികമായി നിർത്തിവച്ചതായാണ് സ്‌പൈസ് ജെറ്റ് അറിയിച്ചത്. ഈ റൂട്ടിൽ വിമാന സർവീസ് ആരംഭിച്ച് രണ്ട് മാസമായിട്ടും യാത്രക്കാരെ ലഭിക്കാതെ വന്നതോടെ പ്രതിസന്ധിക്കിടയാക്കിയിരുന്നു. തുടർന്നാണ് കമ്പനി സർവീസ് നിർത്തിവച്ചത്.
ദക്ഷിണേന്ത്യയിലെ തിരക്കേറിയ ടെക് ഹബ്ബായ ഹൈദരാബാദിനെ ഉത്തർപ്രദേശിലെ മതപരവും സാംസ്‌കാരികപരവുമായി പ്രാധാന്യമുള്ള നഗരമായ അയോധ്യയുമായി ബന്ധിപ്പിക്കുന്നതായിരുന്നു ഈ ഫ്ലൈറ്റ് സർവീസ്. ആഴ്‌ചയിൽ മൂന്ന് വിമാന സർവീസായിരുന്നു ഈ റൂട്ടിൽ നടത്തിയിരുന്നത്.
