Sadhvi Prachi : विश्व हिंदू परिषदेच्या नेत्या साध्वी प्राची यांचे राहुल गांधींबद्दल वादग्रस्त विधान, म्हणाल्या...

बागपत : विश्व हिंदू परिषदेच्या नेत्या साध्वी प्राची सोमवारी बागपतमध्ये पोहोचल्या. येथे प्रसारमाध्यमांशी संवाद साधताना त्यांनी काँग्रेसचे माजी राष्ट्रीय अध्यक्ष राहुल गांधी यांच्याबाबत वादग्रस्त वक्तव्य केले. साध्वी प्राची म्हणाल्या की, राहुल गांधींचे सदस्यत्व सोडण्याचे कारण त्यांचे वकील आहेत. मुलगा मतिमंद असल्याचे वकिलाने न्यायालयात सांगितले असते, तर सभासदत्व गेले नसते असे वक्तव्य त्यांनी केले आहे. दरम्यान, साध्वी प्राची यांनी राहुल गांधींसह अतिक अहमद यांच्यावर निशाणा साधला. ते म्हणाल्या की, उत्तर प्रदेशातही स्पीड ब्रेकर येतात आणि वाहनेही उलटतात. गुन्हेगारांचे वाहनही उलटले पाहिजेत. अतिक त्याच्या कृत्याचे परिणाम भोगत आहे. विशेष म्हणजे, यूपी पोलीस माफिया अतीक अहमद विरोधात कठोर कारवाई करत आहेत. अहमदाबादच्या साबरमती तुरुंगातून माफियांनी अतिक अहमदला प्रयागराजला आणले आहे. त्याला मंगळवारी प्रयागराजमध्ये दाखल करण्यात आले आहे. उमेश पाल खून प्रकरणातही पोलीस त्याची चौकशी करू शकतात, अशी शक्यता वर्तवली जात आहे.