MSEDCL Strike : वीज गूल! पाणी बंबात भरायचे कसे? जर काही दुर्घटना घडली तर? - अग्नीशमन जवान

जालना - जिल्ह्यात कालपासून सुरू असलेल्या महावितरण विभागाचे कर्मचारी संपावर ( MSEDCL Strike ) आहेत. त्याचा फटका आता जालना नगर परिषेदेचे अग्निशमन विभागाला ही सहन करावा लागत आहे. लाईट नसल्याने बंब भरायचा कुठून असा प्रश्न अत्ता अग्निशमन विभागाच्या जवनासमोर उभा ठाकला ( MSEDCL Strike effect on fire brigade ) आहे? कालपासून महावितरणच्या कर्मचाऱ्यांना खाजगीकरणाच्या मुद्द्यावरून संपाचे हत्यार उपसले असल्याने अनेक भागात विजेचा लपंडाव सुरू आहे. त्यामुळे सर्व सामान्य नागरिकांबरोबर आता जालना नगर परिषदेच्या अग्निशमन विभागाला ही यांचा मोठा फटका बसला आहे. शहरात किंवा जिल्ह्यात मोठी दुर्घटना झाल्यास पाणी बंबमध्ये भरायचे कुठून असा मोठा प्रश्न निर्माण झालाय.