पुणे IND vs ENG 4th T20I Live Streaming : भारतीय राष्ट्रीय क्रिकेट संघ आणि इंग्लंड राष्ट्रीय क्रिकेट संघ यांच्यातील पाच सामन्यांच्या T20 मालिकेतील चौथा T20 सामना 31 जानेवारी रोजी खेळला जाईल. दोन्ही संघांमधील हा सामना भारतीय वेळेनुसार संध्याकाळी 7 वाजता पुण्यातील महाराष्ट्र क्रिकेट असोसिएशन स्टेडियमवर खेळला जाईल. तिसऱ्या T20 सामन्यात टीम इंडियाचा 26 धावांनी पराभव करुन इंग्लंडनं मालिकेत पुनरागमन केलं. मात्र पाच सामन्यांच्या मालिकेत इंग्लंडचा संघ अजूनही 2-1 नं पिछाडीवर आहे.
Rajkot ✈️ Pune#TeamIndia have arrived for the 4th #INDvENG T20I 😎@IDFCFIRSTBank pic.twitter.com/gnFfioFWQW
— BCCI (@BCCI) January 29, 2025
तिसऱ्या सामन्यात काय झालं : त्याआधी तिसऱ्या T20 सामन्यात टीम इंडियाचा कर्णधार सूर्यकुमार यादवनं नाणेफेक जिंकून प्रथम गोलंदाजी करण्याचा निर्णय घेतला. नाणेफेक गमावल्यानंतर, इंग्लंडनं प्रथम फलंदाजी करताना 20 षटकांत 9 बाद 171 धावांची आव्हानात्मक धावसंख्या उभारली, जी भारताला गाठता आली नाही आणि त्यांचा डाव 9 बाद 145 धावांवर संपला. या सामन्यात भारताची टॉप ऑर्डर अपयशी ठरली आणि संघानं 26 धावांनी सामना गमावला.
दोन्ही संघाचा हेड-टू-हेड रेकॉर्ड : आंतरराष्ट्रीय T20 क्रिकेटमध्ये आतापर्यंत दोन्ही संघांमध्ये अटीतटीची लढत दिसून आली आहे. आंतरराष्ट्रीय T20 क्रिकेटमध्ये दोन्ही संघांमध्ये एकूण 27 सामने खेळले गेले आहेत. यात टीम इंडियानं 15 सामने जिंकले आहेत, तर इंग्लंड संघानं 12 सामने जिंकले आहेत. दोन्ही संघांमधील सामन्यांमध्ये सर्वाधिक धावसंख्या 224 धावांची आहे, जी टीम इंडियानं 2021 मध्ये नरेंद्र मोदी स्टेडियमवर केली होती. सर्वात कमी संघ धावसंख्या 165 धावा आहे.
#TeamIndia put up a fight but England won the third T20I by 26 runs!
— BCCI (@BCCI) January 28, 2025
India will look to bounce back in the fourth T20I in Pune. 👍 👍
Scorecard ▶️ https://t.co/amaTrbtzzJ#INDvENG | @IDFCFIRSTBank pic.twitter.com/t0l42NwbvX
शमीचं संघात पुनरागमन : टीम इंडिया मालिकेत 2-1 नं आघाडीवर आहे. अशा परिस्थितीत, ते चौथा सामना जिंकून मालिकेत अजिंक्य आघाडी घेऊ इच्छितात. इंग्लंडनं तिसरा सामना जिंकला होता. इंग्लंडनंही आपला गमावलेला आत्मविश्वास परत मिळवला आहे. गोलंदाजीत फिरकी गोलंदाज वरुण चक्रवर्तीनं 5 बळी घेतले पण उर्वरित गोलंदाजांनी निराशा केली. रवी बिश्नोई पुन्हा एकदा संघर्ष करताना दिसला. त्याच वेळी, 14 महिन्यांनंतर मैदानात परतलेला मोहम्मद शमी काही विशेष कामगिरी करु शकला नाही. मोहम्मद शमीनं 3 षटकं टाकली आणि एकही विकेट घेऊ शकला नाही.
पुण्यात टीम इंडियाची कामगिरी कशी : टीम इंडियानं 2012 मध्ये या मैदानावर पहिला T20 आंतरराष्ट्रीय सामना खेळला होता. आतापर्यंत टीम इंडियानं या मैदानावर 4 T20 सामने खेळले आहेत. यात दोन सामने जिंकले आहेत आणि दोन गमावले आहेत. या मैदानावर संघाची सर्वोत्तम धावसंख्या 201 धावा आहे. सर्वात कमी धावसंख्या 101 आहे. इंग्लंडनं या मैदानावर फक्त एकच T20 सामना खेळला आहे आणि त्या सामन्यात त्यांना पराभवाचा सामना करावा लागला.
खेळपट्टी कशी असेल : टीम इंडिया आणि इंग्लंड यांच्यातील चौथा T20 आंतरराष्ट्रीय सामना पुण्यात खेळला जाणार आहे. पुण्याची खेळपट्टी काळ्या मातीची आहे. या खेळपट्टीवर फिरकीपटूंना खूप मदत मिळते. इथं वेगवान गोलंदाजांना फारशी मदत मिळणार नाही. जर एखाद्या फलंदाजानं मैदानावर तग धरला तर तो सहजपणे मोठी खेळी खेळू शकतो. या मैदानावर नाणेफेक जिंकणारा संघ प्रथम फलंदाजी करण्याचा निर्णय घेऊ शकतो. या मैदानावर सर्वाधिक धावसंख्या श्रीलंकेने (206 धावा) केली आहे. त्याच वेळी, सर्वात कमी धावसंख्या टीम इंडियाच्या नावावर (101 धावा) नोंदली गेली आहे.
100 up in the chase for #TeamIndia!
— BCCI (@BCCI) January 28, 2025
4 overs to go and 64 more runs to win for India.
Hardik Pandya and Axar Patel are in the middle.
Updates ▶️ https://t.co/amaTrbtzzJ#INDvENG | @IDFCFIRSTBank pic.twitter.com/e2sks2uINy
भारत विरुद्ध इंग्लंड T20I मालिकेचं वेळापत्रक :
- पहिला T20I सामना : 22 जानेवारी 2025, कोलकाता (भारत 7 विकेटनं विजयी)
- दुसरा T20I सामना : 25 जानेवारी, चेन्नई (भारत 2 विकेटनं विजयी)
- तिसरा T20I सामना : 28 जानेवारी 2025, राजकोट (इंग्लंड 26 धावांनी विजयी)
- चोथा T20I सामना : आज, पुणे
- पाचवा T20I सामना : 02 फेब्रुवारी 2025, मुंबई (वानखेडे)
भारत विरुद्ध इंग्लंड चौथा T20 सामना कधी आणि कुठं खेळवला जाईल?
भारत विरुद्ध इंग्लंड यांच्यातील चौथा T20 सामना 31 जानेवारी 2025 रोजी पुण्यातील महाराष्ट्र क्रिकेट असोसिएशन स्टेडियमवर संध्याकाळी 7:00 वाजता खेळवला जाईल. ज्याची नाणेफेक संध्याकाळी 06:30 वाजता होईल.
भारत विरुद्ध इंग्लंड चौथा T20 सामना कुठं आणि कसा पाहायचा?
भारत आणि इंग्लंड यांच्यातील T20 मालिका भारतातील स्टार स्पोर्ट्स नेटवर्कच्या विविध वाहिन्यांवरुन थेट प्रक्षेपित केली जाईल. क्रिकेट प्रेमी हे रोमांचक सामने त्यांच्या टेलिव्हिजन सेटवर थेट पाहू शकतात. याव्यतिरिक्त, डिजिटल प्रेक्षकांसाठी लाइव्ह स्ट्रीमिंग डिस्ने+हॉटस्टार अॅप आणि वेबसाइटवर फ्रीमध्ये उपलब्ध असेल. तसंच डीडी स्पोर्ट्सला भारत विरुद्ध इंग्लंड T20 मालिकेचे प्रसारण हक्क मिळाले आहेत, ज्याचं थेट प्रक्षेपण फक्त डीडी फ्री डिशवर उपलब्ध असेल.
दोन्ही संघांची संभाव्य प्लेइंग 11 :
- भारत : संजू सॅमसन (यष्टिरक्षक), अभिषेक शर्मा, तिलक वर्मा, सूर्यकुमार यादव (कर्णधार), रिंकू सिंग, हार्दिक पंड्या, अक्षर पटेल, मोहम्मद शमी, अर्शदीप सिंग, हर्षित राणा, वरुण चक्रवर्ती
- इंग्लंड : बेन डकेट, फिल साल्ट (यष्टीरक्षक), जोस बटलर (कर्णधार), हॅरी ब्रुक, लियाम लिव्हिंगस्टोन, जेकब बेथेल, जेमी ओव्हरटन, ब्रायडेन कार्स, जोफ्रा आर्चर, आदिल रशीद, मार्क वूड.
हेही वाचा :
