Actress Janhvi Kapoor : अभिनेत्री जान्हवी कपूरने तिरुमला बालाजी मंदिरात जाऊन केली प्रार्थना, पहा व्हिडीओ

नवी दिल्ली : मुंबईतील नीता मुकेश अंबानी कल्चरल सेंटर (NMACC) च्या भव्य शुभारंभाच्या आधी, बॉलीवूड अभिनेत्री जान्हवी कपूरने सोमवारी भगवान व्यंकटेश्वर स्वामींचे दर्शन घेतले. त्यानंतर तिचा प्रियकर असल्याची चर्चा असणारा शिखर पहाडियासह तिरुमला मंदिरात विशेष प्रार्थना केली. यावेळी तिची बहिण खूशीदेखील दिसून आली.  देवाच्या भक्तीत तल्लीन झालेल्या जान्हवीचा व्हिडिओ समोर आला आहे. बोनी कपूर आणि श्रीदेवी यांची मुलगी आणि अभिनेत्री जान्हवी कपूर आंध्र प्रदेशातील तिरुपती येथे पोहोचले. तिरुमला बालाजी मंदिरात त्यांनी प्रार्थना केली आहे.  तिरुमला बालाजी मंदिरात दर्शनासाठी पोहोचलेल्या जान्हवी कपूर आणि खुशी कपूर यांनी तिथल्या देवतेसमोर डोके टेकवले आणि हात जोडून प्रार्थना केली. यावेळी जान्हवी आणि खुशीसोबत त्यांचे जवळचे लोकही तिथे उपस्थित होते.