ठाणे- मुंबई-नाशिक महामार्गावरील शहापूर तालुक्यातील गोठेघरजवळ ( Thane Accident ) विचित्र अपघात झाला. अपघातात 3 जण ठार झाले आहेत. तर 14 जण जखमी झाले आहेत. हा भीषण अपघात आज पहाटे 3.50 च्या सुमारास घडला आहे.
शहापूर तालुक्यातील गोठेघरजवळ भरधावं वेगात जाणाऱ्या कंटेनरवरील चालकाचा ताबा सुटला. या कंटेनरनं भरधाव वेगात समोर असलेल्या 3 वाहनासह दुसऱ्या मार्गिकेवरील बसला जोरदार धडक दिली. या विचित्र अपघातातामधील 14 जखमींवर विविध रुग्णालयात उपचार सुरू आहेत. या अपघात प्रकरणी शहापूर पोलीस ठाण्यात अपघाताची नोंद करून पोलिसांनी तपास सुरू केला.
काही जणांची प्रकृती चिंताजनक- मिळालेल्या माहितीनुसार मुंबई-नाशिक महामार्गावरील शहापूर तालुक्यातील गोठेघरजवळ भरधाव वेगात कंटेनर जाताना चालकाचा ताबा सुटला. यावेळी कंटेनरनं समोर येणाऱ्या ट्र्क, टेम्पो आणि बस इतर दोन वाहनानं जोरदार धडक दिली. या धडकेत 2 महिला आणि पुरुषाचा मृत्यू झाला. 14 जखमींपैकी 8 जणांना ठाणे शासकीय रुग्णालयात पाठवण्यात आलं. त्यांची प्रकृती चिंताजनक आहे. तर 6 जणांवर शहापूर येथे उपचार सुरू आहेत.
काही काळ वाहतूक विस्कळित- जखमी ट्रक, टेम्पो, बसमधील अपघाताची माहिती मिळताच उपविभागीय पोलीस अधिकारी मिलिंद शिंदे, महामार्ग पोलीस केंद्रच्या छाया कांबळे शहापूर महामार्ग पोलीस, शहापूर पोलीस, आपत्ती व्यवस्थापन टीमचे सदस्य रुग्णवाहिका घेऊन घटनास्थळी पोहोचले. त्यांनी मदत कार्य सुरू करीत जखमींना शहापूर उपजिल्हा रुग्णालयात दाखल केलं. या प्रकरणी प्रशासनाकडून पुढील कार्यवाही सुरू आहे. मृत आणि जखमींचे नाव कळू शकली नाहीत. तर दुसरीकडे महामार्गांवरील आपघातग्रस्त वाहने बाजूला करण्याचं काम आज सकाळी पूर्ण झालं आहे. मात्र, या भीषण अपघातामुळं मुंबई-नाशिक महामार्गावरील वाहतूक कोंडी झाली होती. प्रशासनानं कार्यवाही केल्यानंतर वाहतूक सुरळीत असल्याचं सांगण्यात आलं.
हेही वाचा-
