चेंबूरमध्ये दरड कोसळली; 17 जणांचा गेला बळी, बचावकार्य सुरूच

मुंबईत रात्रीपासून मुसळधार पाऊस सुरू आहे. या पावसामुळे अनेक ठिकाणी मोठ्याप्रमाणात पाणी साचल्याचे चित्र पाहायाला मिळत आहे. त्यातच चेंबूरच्या आरसीएफ परिसरातल्या भारत नगरमध्ये मध्यरात्री १२.३० ते १ च्या सुमारास भूस्खलन होऊन एक झाड आणि भिंत कोसळल्याची घटना घडली. ही भिंत तेथील 5 ते 6 झोपड्यांवर कोसळल्याने मध्यरात्री सुमारास झोपेत असणाऱ्या त्या झोपड्यामधील रहिवासी या भितीखाली अडकले गेले. या घनटेची माहिती मिळताच एनडीआरएफ आणि मुंबई महापावलिकेच्या आपत्ती व्यवस्थापन विभागाच्या पथकाने तत्काळ घटनास्थळी धाव घेतली. बचाव पथक घटनास्थळी पोहोचेपर्यंत स्थानिकांनी 10 मृतदेह बाहेर काढले होते. पहाटे पावसाचा जोर वाढल्याने बचाव कार्यास अडथळे निर्माण होत होते. या दुर्घटनेत आतापर्यंत दुर्दैवाने 17 जणांचे मृतदेह हाती आले होते.