ओडिशातील एक हनुमान भक्त; ज्याने लाकडावर कोरली 'हनुमान चालीसा'

संकटाच्या वेळी, आपण भगवान हनुमानाचा धावा करतो. हनुमान आपल्याला संकटातून वाचवतो अशी मान्यता असल्यामुळे अशावेळी आपण हनुमान चालीसा वाचतो. हा पवित्र हिंदू धार्मिक ग्रंथ तुम्ही वाचलाच असेल, जो अनेक भाषांमध्ये आणि वेगवेगळ्या प्रकारात उपलब्ध आहे. आज आम्ही आपल्याला ओडिशाच्या गंजम जिल्ह्यातील एका कलाकाराबद्दल सांगणार आहोत. ज्याने भगवान हनुमानावर असलेल्या भक्तीपोटी या पवित्र पुस्तकाला एक सुंदर रूप दिलंय. या कलाकाराने लाकडावर 'हनुमान चालीसा' पुस्तक लिहिलंय. हा हनुमान भक्त आहे ओडिशाच्या गंजम जिल्ह्यातील हिंजुलीकाटच्या कांटेकोली गावातला. लॉकडाऊनच्या काळातील फावल्या वेळेचा त्याने योग्य उपयोग करत हे पुस्तक तयार करण्याचे मनाशी ठरवले होते. लाकडावर कलाकृती करत त्याने हनुमान चालीसा लिहिलेलं हे पुस्तक तयार केलंय. त्याच्या हाताच्या स्पर्शानं पुस्तकाचे शब्द जिवंत झाले आहेत. ही अनोखी कलाकृती कलेचा एक अद्भूत नमुना आहे.