തദ്ദേശ ഉപതെരഞ്ഞെടുപ്പ്: സീറ്റുകൾ നിലനിർത്തി എൽഡിഎഫും യുഡിഎഫും

പാലക്കാട്: തദ്ദേശ സ്വയംഭരണ സ്ഥാപനങ്ങളിലേക്കുള്ള ഉപതെരഞ്ഞെടുപ്പിൽ  ജില്ലയിൽ എൽഡിഎഫും യുഡിഎഫും സീറ്റുകൾ നിലനിർത്തി. ഒറ്റപ്പാലം നഗരസഭയിലെ ചേരിക്കുന്ന് വാർഡ് സി പി എം നിലനിർത്തി. 117 വോട്ടിന് പി. ആർ. ശോഭന വിജയിച്ചു. ഷൊർണ്ണൂർ നഗരസഭയിലെ തത്തംകോട് വാർഡ് യു ഡി എഫ് നിലനിർത്തി. ടി സീന 123 വോട്ടിന് വിജയിച്ചു. മോഷണക്കേസിൽ പ്രതി ചേർക്കപ്പെട്ടതിനെ തുടർന്ന് എൽ ഡി എഫ് കൗൺസിലർ രാജിവച്ചതിനെ തുടർന്നാണ് ഒറ്റപ്പാലം നഗരസഭയിൽ ഉപതെരഞ്ഞെടുപ്പ് നടന്നത്. ഷൊർണ്ണൂരിൽ യു ഡി എഫ് അംഗം സുനിൽ മരിച്ചതിനെ തുടർന്നാണ് ഉപതെരഞ്ഞെടുപ്പ് വേണ്ടി വന്നത്.