Video| വന്നു...കൊന്നു...തിന്നു പോയി..!; ആള്‍ക്കൂട്ടത്തിന് മുന്‍പില്‍ പശുവിനെ ശാപ്പിട്ട് സിംഹം, സ്ഥലംവിട്ടത് ജനോപദ്രവം ഇല്ലാതെ

കണ്ടുനിന്നവരെ അമ്പരപ്പിക്കുന്നതായിരുന്നു ആ കാഴ്‌ച. പശുവിനെ കൊന്ന് ഇറച്ചി ആസ്വദിച്ചു കഴിക്കുന്ന സിംഹം. ഗുജറാത്തിലെ അമ്രേലി ജില്ലയിലെ ഇൻഗോറലയില്‍ വ്യാഴാഴ്‌ച പുലര്‍ച്ചെയുണ്ടായ സംഭവം കാട്ടുതീപോലെ പടര്‍ന്നു. ഇതോടെ കിടക്കപ്പായയില്‍ നിന്നും ആവേശത്തോടെ ഓടിയെത്തിയ ആളുകളെക്കൊണ്ട് പരിസരം നിറഞ്ഞു. എന്നാല്‍, ജനക്കൂട്ടത്തെ കണ്ടില്ലെന്ന് നടിച്ച് ഭക്ഷണത്തില്‍ ശ്രദ്ധകേന്ദ്രീകരിക്കുകയാണ് സിംഹം ചെയ്‌തത്. 'തീറ്റക്കാര്യം' പ്രദേശത്ത് ഭീതി പടര്‍ത്തിയെങ്കിലും ഗ്രാമവാസികളെ ഉപദ്രവിക്കാതെയാണ് വന്യമൃഗം സ്ഥലംവിട്ടത്.