കൊവിഡ് ഒഴിയുന്നു; വുഹാൻ വീണ്ടും പഴയ ജീവിതത്തിലേക്ക്

ബെയ്​ജിങ്​: 11 ആഴ്ചത്തെ ലോക് ​ഡൗണിന്​ ശേഷം ചൈനയിലെ ഹുബൈ പ്രവിശ്യയുടെ തലസ്ഥാനമായ വുഹാനിൽ ജനജീവിതം സാധാരണ നിലയിലേക്ക്. കൊവിഡിനെ തുടർന്ന്​ വുഹാനിൽ പ്രഖ്യാപിച്ചിരുന്ന നിയന്ത്രണങ്ങൾ പിൻവലിച്ചു. നിലവിൽ ഇതുവരെ പുതിയ കൊവിഡ് 19 കേസുകളൊന്നും റിപ്പോർട്ട് ചെയ്തിട്ടില്ലെന്ന് അധികൃതർ വ്യക്തമാക്കി. ലോക് ഡൗൺ പിൻവലിച്ചതിന്‍റെ സന്തോഷ സൂചകമായി യാങ്‌സി നദിയുടെ ഇരുകരകളിലുമായി ലൈറ്റ് ഷോ നടന്നു.