വുഹാനില്‍ കൊവിഡ് മാനദണ്ഡങ്ങള്‍ കാറ്റില്‍പറത്തി ആഘോഷം

കൊവിഡ് 19 ഉത്ഭവ കേന്ദ്രമായ ചൈനയിലെ വുഹാന്‍ നഗരത്തില്‍ വമ്പന്‍ വാട്ടര്‍ പാര്‍ക്ക് പാര്‍ട്ടി. കൊവിഡ് മാനദണ്ഡങ്ങള്‍ പാലിക്കാതെ നടത്തിയ പാര്‍ട്ടിയുടെ ദൃശ്യങ്ങള്‍ അന്തര്‍ദേശീയ വാര്‍ത്താ ചാനല്‍ പുറത്ത് വിട്ടു. ആഘോഷത്തില്‍ പങ്കെടുത്തവര്‍ സംഗീതത്തിനൊപ്പം വെള്ളത്തില്‍ താളംപിടിക്കുന്നത് ഉള്‍പ്പെടെ ദൃശ്യങ്ങളില്‍ വ്യക്തമാണ്. വുഹാനിലെ മാര്‍ക്കറ്റില്‍ നിന്നും കഴിഞ്ഞ ഡിസംബറിലാണ് കൊവിഡ് പൊട്ടിപുറപ്പെട്ടത്. ഇതേ തുടര്‍ന്ന് നഗരം മാസങ്ങളോളം അടച്ചിട്ടിരുന്നു. കൊവിഡിന്‍റെ കെടുതികളില്‍ നിന്നും ലോകം ഇതേവരെ മുക്തമായിട്ടുമില്ല.