പത്തനംതിട്ട: ജില്ല ഡിപ്പോയിൽ നിന്നുള്ള ആദ്യ ബെംഗളൂരു കെഎസ്ആർടിസി സ്വിഫ്റ്റ് സർവീസ് ആരംഭിച്ചു. വൈകിട്ട് 5.30 ന് പത്തനംതിട്ടയില്‍ നിന്നാണ് സര്‍വീസ് ആരംഭിക്കുന്നത്. ആദ്യ യാത്ര മന്ത്രി വീണ ജോർജ് ഫ്ലാഗ് ഓഫ് ചെയ്‌തു.
വരും ദിവസങ്ങളിൽ രണ്ടു ബസുകള്‍ കൂടി ജില്ലയിലേക്ക് എത്തിക്കുമെന്ന് മന്ത്രി അറിയിച്ചു. അതില്‍ ഒന്ന് മൈസൂര്‍ - മംഗലാപുരം റൂട്ടിൽ സർവീസ് നടത്താനാണ് ആലോചന. കോട്ടയം, തൃശൂര്‍, പാലക്കാട്, കോയമ്പത്തൂര്‍, സേലം വഴിയാണ് ബാംഗളൂര്‍ എത്തുക. രാത്രി 7.30 ന് തിരികെ ബാംഗളൂരില്‍ നിന്ന് പുറപ്പെടും.
സംസ്ഥാന സര്‍ക്കാര്‍ പുതിയതായി രൂപീകരിച്ച കെഎസ്ആര്‍ടിസി സിഫ്റ്റ് കമ്പനിയുടെ ഉടമസ്ഥതയിലുള്ളതാണ് എസി സെമി സ്ലീപ്പര്‍ ബസ്. www.online.keralartc.com എന്ന വെബ് സൈറ്റിലുടെയും 'Ente KSRTC' എന്ന മൊബൈല്‍ ആപ്പിലൂടെയും ടിക്കറ്റുകള്‍ മുന്‍കൂട്ടി റിസര്‍വ് ചെയ്യാം. തല്‍ക്കാല്‍ ടിക്കറ്റുകളും, അഡീഷണല്‍ സര്‍വീസ് ടിക്കറ്റുകളും ഓണ്‍ലൈന്‍ വഴി ലഭ്യമാകും.
ALSO READ കെ.എസ്‌.ആർ.ടി.സി - സ്വിഫ്റ്റ് സർവീസ് ആരംഭിച്ചു ; കുതിപ്പ് നല്ല നാളെയിലേക്കെന്ന് മുഖ്യമന്ത്രി
