പാലക്കാട്: പെൺകുഞ്ഞുങ്ങളുടെ ദുരൂഹമരണം അന്വേഷണവുമായി ബന്ധപ്പെട്ട് സിബിഐ സംഘം വാളയാറിലെത്തി. കേസ് ഏറ്റെടുത്ത ആദ്യമായാണ് സിബിഐ വാളയാറിലേക്കെത്തുന്നത്. പെൺകുട്ടികളുടെ മാതാപിതാക്കളിൽ നിന്ന് വിവരങ്ങൾ ശേഖരിക്കുകയും കുട്ടികളെ തൂങ്ങി മരിച്ച നിലയിൽ കണ്ടെത്തിയ ഷെഡ്ഡിലുൾപ്പെടെ തെളിവെടുപ്പ് നടത്തുകയും ചെയ്യും. സിബിഐ തിരുവനന്തപുരം യൂണിറ്റിലെ ഡിവൈഎസ്‌പി അനന്തകൃഷ്‌ണന്‍റെ നേതൃത്വത്തിലുളള സംഘമാണ് അന്വേഷണം നടത്തുന്നത്.
ഹൈക്കോടതി ഉത്തരവിന്‍റെ അടിസ്ഥാനത്തിൽ കേസ് ഏറ്റെടുത്ത സിബിഐ സംഘം മാ‍ർച്ച് 31നാണ് പാലക്കാട് പോക്‌സോ കോടതിയിൽ എഫ്.ഐ.ആർ സമർപ്പിച്ചത്. നാലു പ്രതികൾക്കെതിരെ രണ്ട് എഫ്.ഐ.ആർ ആണ് സമർപ്പിച്ചിരിക്കുന്നത്.
