കാഞ്ഞിരംചോല-പാമ്പംതോട് റോഡ് തകർന്ന നിലയിൽ

കാഞ്ഞിരംചോല പുഴയുടെ കുറുകെ പാലം അത്യാവശ്യമാണെന്നാണ് നാട്ടുകാര്‍ പറയുന്നത്

പാലക്കാട്: കാഞ്ഞിരംചോല-പാമ്പംതോട് റോഡ് വെള്ളം കയറി തകർന്ന നിലയിൽ. കാഞ്ഞിരപ്പുഴ പഞ്ചായത്തിലെ പാമ്പംതോട് ആദിവാസി കോളനിയിലേക്കുള്ള ഒരേയൊരു പാതയാണിത്. 40 വർഷങ്ങൾക്ക് മുമ്പ് രൂപീകരിക്കപ്പെട്ട ഈ കോളനി മഴക്കാലമായാൽ ഒറ്റപ്പെടുക പതിവാണ്. മഴയില്ലാത്തപ്പോൾ തന്നെ റോഡിൽ വെള്ളം നിറഞ്ഞു നിൽക്കുന്ന അവസ്ഥയാണ്. മഴ കനത്താല്‍ ഈ വഴിയിലൂടെ സഞ്ചരിക്കുക അസാധ്യം.

പഞ്ചായത്ത് റോഡ് കോൺക്രീറ്റ് ചെയ്ത് നൽകിയെങ്കിലും കാഞ്ഞിരംചോല പുഴയിൽ വെള്ളം കയറിയാൽ കോളനിക്കാർക്ക് മറുകരയെത്താന്‍ കഴിയാത്ത സാഹചര്യമാണ് നിലവിലുള്ളത്. കാഞ്ഞിരംചോല പുഴയുടെ കുറുകെ പാലം അത്യാവശ്യമാണെന്നാണ് നാട്ടുകാര്‍ പറയുന്നത്.