മലപ്പുറം: അരീക്കോട് ഉപജില്ലാ സ്കൂൾ കലോത്സവത്തിന് വെള്ളിയാഴ്ച തുടക്കമാവും. നവംബർ ഒന്നു മുതല്‍ അഞ്ച് വരെ ഇരിവേറ്റി സി.എച്ച് മുഹമ്മദ് കോയ സ്മാരക ഹയർ സെക്കൻഡറി സ്കൂളിലാണ് കലോത്സവം. പി കെ ബഷീർ എംഎല്‍എ കലോത്സവം ഉദ്ഘാടനം ചെയ്യുമെന്ന് ഭാരവാഹികൾ വാർത്താ സമ്മേളനത്തിൽ അറിയിച്ചു. 102 സ്കൂളുകളിൽ നിന്ന് 285 ഇനങ്ങളിലായി 2500 കലാപ്രതിഭകൾ മാറ്റുരയ്ക്കും. ഏഴ് സ്റ്റേജിലായി നാല് ദിനങ്ങളിലായാണ് മത്സരം. മേളയ്ക്ക് വിപുലമായ സൗകര്യങ്ങൾ ഒരുകിയതായി ജനറൽ കൺവീനർ ടി അബ്ദുസ്സലാം പറഞ്ഞു. സംഘാടനത്തിനായി വിവിധ സബ് കമ്മറ്റികള്‍ രൂപീകരിച്ചിട്ടുണ്ട്. വാർത്താ സമ്മേളനത്തിൽ ജനറൽ കൺവീനർ ടി. അബ്ദുൽ കലാം പ്രോഗ്രാം കമ്മിറ്റി കൺവീനർ വി എസ് ജോർജ് ഫിനാൻസ് കമ്മിറ്റി കൺവീനർ എം കെ അബൂബക്കർ പ്രചരണ കമ്മിറ്റി കൺവീനർ എം ഷംസുദ്ധീൻ , പ്രധാനാദ്ധ്യാപകൻ രാജ്കുമാർ തുടങ്ങിയവർ സംസാരിച്ചു.
അരീക്കോട് ഉപജില്ലാ സ്കൂൾ കലോത്സവം നവംബര്‍ ഒന്നിന് തുടങ്ങും
