കോട്ടയം: മഴയുടെ കുറവുമൂലം അപ്പർകുട്ടനാട്ടിലെ നെൽകർഷകർ പ്രതിസന്ധിയില്‍. അപ്പർകുട്ടനാടാൻ മേഖലകളിൽ വർഷ കൃഷിക്കുള്ള ഒരുക്കങ്ങൾ തുടങ്ങിയിട്ട് രണ്ടു മാസം പിന്നിട്ടിട്ടും മഴയും കിഴക്കൻ വെള്ളവും ഇക്കുറി കൃത്യമായി ലഭിച്ചില്ല. ഇതോടെ ജലാശയങ്ങളിലെ ഉപ്പ് അളവ് വർധിക്കുകയും മണ്ണിൽനിന്നും പുളി ഇറങ്ങി നെൽകൃഷിക്ക് പ്രതികൂല സാഹചര്യം ഉണ്ടാവുകയും ചെയ്തു. കൂടുതൽ മഴ ലഭിച്ച് കിഴക്കൻ വെള്ളത്തിൽ ശക്തമായ നീരൊഴുക്ക് ഉണ്ടായാൽ മാത്രമെ മണ്ണിലെ ഉപ്പും പുളിയും മാറുകയുള്ളൂ. തണ്ണീർമുക്കം ബണ്ട് തുറന്നു കിടക്കുന്നത് മൂലം ജലാശയങ്ങളില്‍ ഉപ്പു വെള്ളം നിറയുകയാണ്. ഇതും കൃഷിക്ക് തിരിച്ചടിയാവുന്നു.
മഴയില്ല, അപ്പർകുട്ടനാട്ടിലെ നെൽകർഷകർ പ്രതിസന്ധിയില്‍
