കോട്ടയം: ജില്ലയിലെ സര്‍ക്കാര്‍ മെഡിക്കല്‍ കോളജില്‍ മൂന്നാമത്തെ കരള്‍ മാറ്റിവയ്ക്കല് ശസ്‌ത്രക്രിയ വിജയകരമായി പൂര്‍ത്തിയായി. തൃശൂര്‍ മുള്ളൂര്‍ക്കര സ്വദേശി ഉണ്ണികൃഷ്‌ണനാണ് (45) കരള്‍ മാറ്റിവയ്ക്കല് ശസ്ത്രക്രിക്ക് വിധേയനായത്. ഭാര്യ മഞ്ജുഷയുടെ(35) കരളാണ് ഉണ്ണികൃഷ്‌ണന് നല്‍കിയത്.
ശസ്‌ത്രക്രിയക്ക് ശേഷം ഇരുവരും തീവ്ര പരിചരണ വിഭാഗത്തില്‍ നിരീക്ഷണത്തിലാണ്. സര്‍ജിക്കല്‍ ഗ്യാസ്‌ട്രോ വിഭാഗം മേധാവി ഡോ. സിന്ധുവിന്‍റെ നേതൃത്വത്തിലുള്ള സംഘമാണ് ശസ്‌ത്രക്രിയ നടത്തിയത്. ശസ്‌ത്രക്രിയ വിജയകരമായി പൂര്‍ത്തിയാക്കിയ സംഘത്തെ ആരോഗ്യ വകുപ്പ് മന്ത്രി വീണ ജോര്‍ജ് അഭിനന്ദിച്ചു.
സര്‍ക്കാര്‍ മേഖലയിലെ തുടര്‍ച്ചയായ മൂന്നാമത്തെ കരള്‍ മാറ്റിവയ്ക്കല് ശസ്ത്രക്രിയയാണിത്. അതേസമയം തിരുവനന്തപുരം മെഡിക്കല്‍ കോളജ് കരള്‍ മാറ്റിവയ്ക്കല് ശസ്ത്രക്രിയയ്ക്ക് രോഗികളെ പ്രവേശിപ്പിച്ചു തുടങ്ങി. കോഴിക്കോട് മെഡിക്കല്‍ കോളജില്‍ കരള്‍ മാറ്റിവയ്ക്കല് ശസ്ത്രക്രിയയ്ക്കായി സൗകര്യങ്ങള്‍ ഒരുക്കുന്നുന്നുണ്ടെന്നും മന്ത്രി പറഞ്ഞു.
