ഇടുക്കി: കനത്ത മഴയെ തുടര്‍ന്ന് മൂന്നാർ വട്ടവടയ്‌ക്ക് സമീപമുള്ള പഴത്തോട്ടം മേഖലയില്‍ ഉരുള്‍പൊട്ടി. സംഭവത്തെ തുടര്‍ന്നുണ്ടായ മലവെള്ളപ്പാച്ചിലില്‍ മരങ്ങളും വലിയ പാറ കഷ്‌ണങ്ങളും റോഡില്‍ പതിച്ചു. ഇതോടെ മേഖല പൂര്‍ണമായും ഒറ്റപ്പെട്ടു. ഇതുവഴിയുള്ള ഗതാഗതത്തിന് ജില്ല ഭരണകൂടം നിരോധനം എർപ്പെടുത്തി.
മേഖലയില്‍ ജനവാസം കുറവായതിനാല്‍ വലിയ അപകടം ഒഴിവായി. മേഖലയില്‍ കഴിഞ്ഞ ദിവസവും കൃഷി ഭൂമിയടക്കം ഇടിഞ്ഞ് താഴ്‌ന്നിരുന്നു. വട്ടവടയെ കൂടാതെ വെള്ളത്തൂവൽ, ശല്യാംപാറ, പണ്ടാരപ്പടി എന്നിവിടങ്ങളിലും ഉരുള്‍പൊട്ടലുണ്ടായി. കഴിഞ്ഞ ദിവസം അര്‍ധരാത്രിയാണ് മേഖലയില്‍ ഉരുള്‍പൊട്ടിയത്.
ഒരു വീട് ഭാഗികമായി തകര്‍ന്നു. വീട്ട് മുറ്റത്ത് നിര്‍ത്തിയിട്ട ബൈക്ക് മണ്ണിനടിയിലായി. അതേസമയം ഉരുള്‍പൊട്ടലിനെ തുടര്‍ന്ന് തടസപ്പെട്ട വെള്ളത്തൂവല്‍ കല്ലാര്‍കുട്ടി റോഡിലെ ഗതാഗതം പുനസ്ഥാപിച്ചു.
also read:ഇടുക്കി വെള്ളത്തൂവലില്‍ ഉരുള്‍പൊട്ടല്‍; രണ്ട് വീടുകള്‍ക്ക് നാശനഷ്‌ടം
