ആലപ്പുഴ: നിയമസഭ തെരഞ്ഞെടുപ്പിന് സജ്ജമായി സിപിഎം. മുഖ്യമന്ത്രി പിണറായി വിജയന്‍റെ സാനിധ്യത്തിൽ ആലപ്പുഴ ജില്ലാ സെക്രട്ടേറിയറ്റ് യോഗം ചേർന്നു. കോട്ടയം ജില്ലാ നേതൃയോഗത്തിൽ പങ്കെടുത്ത ശേഷമാണ് പോളിറ്റ് ബ്യൂറോ അംഗം കൂടിയായ മുഖ്യമന്ത്രി പിണറായി വിജയൻ ആലപ്പുഴയിലെത്തിയത്.
നിലവിലെ രാഷ്‌ട്രീയ സാഹചര്യങ്ങളെല്ലാം യോഗം വിലയിരുത്തി. ഇടത് മുന്നണി ജാഥയുടെ വിശദാംശങ്ങളും, നിയമസഭ തെരഞ്ഞെടുപ്പിൽ സ്വീകരിക്കേണ്ട പ്രവർത്തനങ്ങളും ചർച്ച ചെയ്‌തു. പഞ്ചായത്ത്, മുനിസിപ്പൽ തെരെഞ്ഞടുപ്പിലുണ്ടായ ആധിപത്യം നിലനിർത്താനും, പോരായ്‌മകൾ പരിഹരിക്കാനും ആവശ്യമായ നിർദേശങ്ങൾ പിണറായി യോഗത്തിൽ അവതരിപ്പിച്ചു. സ്ഥാനാർഥികളെ സംബന്ധിച്ച ചർച്ചകൾ യോഗത്തിൽ ഉണ്ടായില്ലെന്നാണ് സൂചന.
