തിരുവനന്തപുരം: പുള്ളാവൂരിലെ കട്ടൗട്ട് യുദ്ധം കേരളവും, ഇന്ത്യയും കടന്ന് ആഗോളതലത്തിൽ തന്നെ വൈറലായി മാറിയിരിക്കുകയാണ്. ഫിഫ തന്നെ നേരിട്ട് കേരളത്തിന്‍റെ ഫുട്‌ബോൾ ആവേശത്തെ ട്വിറ്ററിലൂടെ ലോകത്തോട് വിളിച്ചു പറഞ്ഞ് രംഗത്തെത്തിയിരുന്നു. ഇപ്പോൾ പുള്ളാവൂരിലെ കട്ടൗട്ടിന്‍റെ ചിത്രം ട്വിറ്ററിൽ പങ്കുവച്ച ഫിഫയ്ക്ക് നന്ദി അറിയിച്ചിരിക്കുകയാണ് മുഖ്യമന്ത്രി പിണറായി വിജയൻ.
-
Kerala and Keralites have always loved football and it is on full display with #Qatar2022 around the corner. Thank you @FIFAcom for acknowledging our unmatched passion for the sport. https://t.co/M4ZvRiZUvh
— Pinarayi Vijayan (@pinarayivijayan) November 8, 2022 " class="align-text-top noRightClick twitterSection" data="
">Kerala and Keralites have always loved football and it is on full display with #Qatar2022 around the corner. Thank you @FIFAcom for acknowledging our unmatched passion for the sport. https://t.co/M4ZvRiZUvh
— Pinarayi Vijayan (@pinarayivijayan) November 8, 2022Kerala and Keralites have always loved football and it is on full display with #Qatar2022 around the corner. Thank you @FIFAcom for acknowledging our unmatched passion for the sport. https://t.co/M4ZvRiZUvh
— Pinarayi Vijayan (@pinarayivijayan) November 8, 2022
'കേരളവും മലയാളികളും എന്നും ഫുട്ബോള്‍ ഇഷ്‌ടപ്പെടുന്നവരാണ്. ഖത്തര്‍ ലോകകപ്പിന്‍റെ ആവേശം കേരളത്തിന്‍റെ എല്ലാ മുക്കിലും മൂലയിലും കാണാം. താരതമ്യങ്ങളില്ലാത്ത കേരളത്തിന്‍റെ ഫുട്ബോള്‍ ആവേശത്തെ അംഗീകരിച്ച ഫിഫയ്ക്ക് നന്ദി', ഫിഫയുടെ ട്വീറ്റ് റീട്വീറ്റ് ചെയ്‌തുകൊണ്ട് മുഖ്യമന്ത്രി കുറിച്ചു.
ഇന്ന് വൈകുന്നേരമാണ് കേരളത്തിന്‍റെ ഫുട്‌ബോൾ ആവേശത്തിൽ അമ്പരന്ന് പുള്ളാവൂരിലെ കട്ടൗട്ടുകളുടെ ചിത്രം ഫിഫ തങ്ങളുടെ ഔദ്യോഗിക ട്വിറ്റർ അക്കൗണ്ടിൽ പോസ്റ്റ് ചെയ്‌തത്. 'ഫിഫ ലോകകപ്പ് ചൂട് കേരളത്തിലും, നെയ്‌മറിന്‍റെയും, ക്രിസ്റ്റ്യാനോ റൊണാൾഡോയുടെയും, ലയണൽ മെസിയുടെയും കൂറ്റൻ കട്ടൗട്ടുകൾ ടൂർണമെന്‍റിന് മുന്നോടിയായി പുഴയിൽ ഉയർന്നപ്പോൾ. ലോകകപ്പിന് ഇനി 12 നാളുകൾ കൂടി' - എന്ന കുറിപ്പോടെയാണ് ഫിഫ കട്ടൗട്ടിന്‍റെ ചിത്രങ്ങൾ പങ്കുവച്ചത്.
ഫിഫയുടെ ട്വീറ്റ് മലയാളികൾ ഏറ്റെടുത്തതോടെ നിമിഷനേരം കൊണ്ട് വൈറലായി. കേരളത്തിന്‍റെ കട്ടൗട്ട് ആഗോളതലത്തിൽ പ്രശംസിക്കപ്പെട്ടതിന്‍റെ ആവേശത്തിലാണ് ആരാധകരും. അർജന്‍റീന ആരാധകരാണ് പുള്ളാവൂർ പുഴയുടെ മധ്യത്തിൽ മെസിയുടെ കൂറ്റൻ കട്ടൗട്ട് ആദ്യം സ്ഥാപിച്ചത്. അർജന്‍റീനയില്‍ ഏറെ ആരാധകരുള്ള ദേശീയ ഫുട്‌ബോൾ ടീമിന്‍റെ ഫാൻ പേജ് മുതൽ അവിടുത്തെ മാധ്യമങ്ങൾ വരെ മെസിയുടെ കട്ടൗട്ട് ഏറ്റെടുത്തിരുന്നു.
ALSO READ: പുള്ളാവൂര്‍ പിള്ളേര്‍ വച്ച കട്ടൗട്ടുകളുടെ ചിത്രം പങ്കുവച്ച് ഫിഫയും ; കാല്‍പന്താവേശം ഉയരെ
പിന്നാലെയാണ് ബ്രസീൽ ആരാധകർ നെയ്‌മറിന്‍റെയും, പോർച്ചുഗൽ ആരാധകർ റൊണാൾഡോയുടേയും കൂറ്റൻ കട്ടൗട്ടുകൾ സ്ഥാപിച്ചത്. 30 അടിയാണ് മെസിയുടെ കട്ടൗട്ടിന്‍റെ ഉയരമെങ്കിൽ മെസിയെക്കാൾ പത്തടി ഉയരത്തിൽ 40 അടിയിലാണ് നെയ്‌മറുടെ കട്ടൗട്ട് ഉയർന്നത്. പിന്നാലെ ഇരുവരെയും കടത്തിവെട്ടി റൊണാൾഡോയുടം 50 അടി കട്ടൗട്ടുമായി പോർച്ചുഗൽ ആരാധകരും സൗഹൃദ പോരിന് മൂർച്ച കൂട്ടുകയായിരുന്നു.
