റോം: ഇറ്റലിയില്‍ പുതിയ കൊവിഡ്‌ 19 പോസിറ്റീവ് കേസുകളുടെ എണ്ണം കുറഞ്ഞു. ഇറ്റലിയിലെ സിവിൽ പ്രൊട്ടക്ഷൻ ഏജൻസി പുറത്തുവിട്ട കണക്കുകൾ പ്രകാരം 4,789 പുതിയ കേസുകളാണ്‌ ഇന്നലെ റിപ്പോര്‍ട്ട് ചെയ്തത് . സാധാരണ റിപ്പോര്‍ട്ട് ചെയ്യുന്നതിനെക്കാള്‍ 700 എണ്ണം കുറവാണ്‌ ഇത്. മരണങ്ങളും കുറഞ്ഞിട്ടുണ്ട്. ഞായറാഴ്ച 651 മരണങ്ങളാണ്‌ റിപ്പോര്‍ട്ട് ചെയ്തതെങ്കില്‍ തിങ്കളാഴ്ച 600 ഓളം മരണങ്ങളാണ്‌ രജിസ്റ്റർ ചെയ്തത്.
ഇന്നലെ 59,138 കേസുകളാണ്‌ ഇറ്റലിയില്‍ രജിസ്റ്റര്‍ ചെയ്തിട്ടുള്ളത് ചൈനയില്‍ 81,496 കേസുകളും. ഈ മാസം ആദ്യം മുതല്‍ സ്വീകരിച്ച മുന്‍കരുതലുകളുടെ ഭാഗമായാണ്‌ പോസിറ്റീവ് കേസുകള്‍ കുറയുന്നതെന്ന് സർക്കാർ ആരോഗ്യ ഉദ്യോഗസ്ഥനായ സിൽ‌വിയോ ബ്രൂസഫെറോ പറഞ്ഞു.
