വാഷിംഗ്‌ടൺ: അമേരിക്കൻ നഗരമായ സൗത്ത് ഡക്കോട്ടയിൽ ഉണ്ടായ വിമാനാപകടത്തിൽ ഒമ്പത് പേർ മരിച്ചു. മൂന്ന് പേർ പരിക്കുകളോടെ രക്ഷപ്പെട്ടു. 12 പേരുമായി പറന്ന പിലാറ്റസ് പിസി -12 വിമാനം പ്രാദേശികസമയം 12:30 ഓടെ തകരുകയായിരുന്നു എന്ന് നാഷണല്‍ ട്രാന്‍സ്‌പോര്‍ട്ടേഷന്‍ സേഫ്റ്റി ബോര്‍ഡ് ഉദ്യോഗസ്ഥർ അറിയിച്ചു. യുഎസ്സിലെ ചേംബർ‌ലെയിൻ നഗരത്തിൽ നിന്നും ഐഡഹോ ഫാൽസിലേക്കാണ് വിമാനം പുറപ്പെട്ടത്. അപകടത്തിൽ വിമാനത്തിന്‍റെ പൈലറ്റും മരിച്ചു. പരിക്കേറ്റവരെ ആശുപത്രികളില്‍ പ്രവേശിപ്പിച്ചതായും അധികൃതര്‍ അറിയിച്ചു.
വിമാനം അപകടത്തിൽപ്പെട്ട സമയം ചേംബർ‌ലെയിൻ കൊടുങ്കാറ്റ് മുന്നറിയിപ്പുണ്ടായിരുന്നതായും റിപ്പോര്‍ട്ടുകളുണ്ട്. വിമാനത്തിനുണ്ടായ തകരാറിനെക്കുറിച്ച് അന്വേഷിക്കുകയാണെന്നും നാഷണല്‍ ട്രാന്‍സ്‌പോര്‍ട്ടേഷന്‍ സേഫ്റ്റി ബോര്‍ഡ് ട്വിറ്ററിലൂടെ അറിയിച്ചു.
