Siddhaanth Suryavanshi died: ജനപ്രിയ ടെലിവിഷന്‍ താരം സിദ്ധാന്ത് വീര്‍ സൂര്യവംശി അന്തരിച്ചു. മുംബൈ സ്വദേശിയായ താരം ജിമ്മില്‍ വര്‍ക്കൗട്ട് ചെയ്യുന്നതിനിടെ കുഴഞ്ഞുവീഴുകയായിരുന്നു. 46 വയസായിരുന്നു. ഹൃദയാഘാതമാണ് മരണകാരണമെന്ന് ഡോക്‌ടര്‍മാര്‍ അറിയിച്ചു.
Siddhaanth VIR Surryavanshi death cause: ജിമ്മില്‍ കുഴഞ്ഞുവീണ ഉടന്‍ തന്നെ അടുത്തുള്ള സ്വകാര്യ ആശുപത്രിയില്‍ താരത്തെ എത്തിച്ചെങ്കിലും ജീവന്‍ രക്ഷിക്കാനായില്ല. മുംബൈയിലെ കൊകിലാബെന്‍ ധിരുഭായ് അംബാനി ആശുപത്രിയിലാണ് സിദ്ധാന്തിനെ പ്രവേശിപ്പിച്ചത്. നടനെ ജീവിതത്തിലേയ്‌ക്ക് തിരിച്ചുകൊണ്ടുവരാന്‍ ഏകദേശം 45 മിനിട്ടോളം ആരോഗ്യവിദഗ്‌ധര്‍ പ്രയത്നിച്ചെങ്കിലും വിഫലമായി.
Siddhaanth Suryavanshi death news: ടെലിവിഷന്‍ താരം ജയ്‌ ഭനുശാലിയാണ് നടന്‍റെ മരണ വാര്‍ത്ത അറിയിച്ചത്. സിദ്ധാന്തിന് ആദരാഞ്ജലികള്‍ അര്‍പ്പിച്ചുകൊണ്ട് ഇന്‍സ്‌റ്റഗ്രാമില്‍ പോസ്റ്റിടുകയായിരുന്നു. 'സിദ്ധാന്ത് പെട്ടെന്ന് പോയി' -ഇപ്രകാരം കുറിച്ച് കൊണ്ട് നടന്‍റെ ഫോട്ടോയും പങ്കുവച്ചായിരുന്നു ഭനുശാലിയുടെ പോസ്‌റ്റ്.
Siddhaanth VIR Surryavanshi personal life: ആനന്ദ് എന്നായിരുന്നു സിദ്ധാന്തിന്‍റെ ആദ്യകാല പേര്. ഈ അടുത്തിടെയാണ് നടന്‍ സിദ്ധാന്ത് വിര്‍ സൂര്യവംശി എന്ന് പേര് മാറ്റിയത്. മോഡല്‍ അലേഷ്യ റാവുത്ത്‌ ആണ് സിദ്ധാന്തിന്‍റെ ഭാര്യ. ഭാര്യയും മോഡലുമായ അലേഷ്യക്കൊപ്പം മോഡല്‍ ട്രെയിനിംഗ് സ്ഥാപനത്തിലും സിദ്ധാന്ത് പ്രവര്‍ത്തിച്ചിട്ടുണ്ട്.
Siddhaanth VIR Surryavanshi TV shows: സോണി എന്‍റര്‍ടെയ്‌ന്‍മെന്‍റ്‌ ടെലിവിഷനില്‍ സംപ്രേഷണം ചെയ്‌ത 'കുസും' എന്ന ടെലിവിഷന്‍ സീരീസിലൂടെയായിരുന്നു സിദ്ധാന്തിന്‍റെ അഭിനയ ലോകത്തേയ്‌ക്കുള്ള അരങ്ങേറ്റം. ദംഗള്‍ ടിവിയില്‍ സംപ്രേഷണം ചെയ്‌ത 'കണ്‍ട്രോള്‍ റൂം', സ്‌റ്റാര്‍ പ്ലസിലെ 'കസൗട്ടി സിന്തഗീ കയ്‌', സോണി എസ്‌എബി യിലെ 'സിദ്ധി ദില്‍ മാനെ നാ' തുടങ്ങി നിരവധി ടിവി ഷോകളുടെ ഭാഗമായിരുന്നു സിദ്ധാന്ത്.
'ക്യൂന്‍ റിഷ്‌ടണ്‍ മെയ്ന്‍ കട്ടി ബട്ടി' 'മംമ്‌ത', 'കൃഷ്‌ണ അര്‍ജുന്‍', 'ഭാഗ്യവിധാത', 'വിരുദ്ധ്',' സൂര്യപുത്ര കര്‍ണ്‌', 'വാരിസ്' എന്നീ ഷോകളുടെയും ഭാഗമായി.
