ചിരഞ്ജീവിയെ (Chiranjeevi) നായകനാക്കി മെഹര്‍ രമേശ് (Meher Ramesh) സംവിധാനം ചെയ്യുന്ന ചിത്രമാണ് 'ഭോലാ ശങ്കര്‍' (Bholaa Shankar). തമന്ന ഭാട്ടിയയാണ് (Tamannaah Bhatia) ചിത്രത്തില്‍ നായികയായി എത്തുന്നത്. ഇപ്പോഴിതാ ചിത്രത്തിലെ ഗാനത്തിന്‍റെ വരവറിയിച്ചിരിക്കുകയാണ് അണിയറ പ്രവർത്തകർ. 'മിൽക്കി ബ്യൂട്ടി' എന്ന് തുടങ്ങുന്ന ഗാനത്തിന്‍റെ പ്രൊമോ വീഡിയോ (Milky Beauty Song Promo) പുറത്തെത്തി.
- " class="align-text-top noRightClick twitterSection" data="">
ചിരഞ്ജീവിയും തമന്നയുമാണ് ഗാനരംഗത്ത് പ്രത്യക്ഷപ്പെടുന്നത്. പാട്ടിന്‍റെ താളത്തിനൊപ്പം ചടുലമായ ചുവടുകളോടെ കാഴ്‌ചക്കാരുടെ ഹൃദയം കവരുകയാണ് തമന്നയും ചിരഞ്ജീവിയും. ഗാനം പുറത്തിറങ്ങി മണിക്കൂറുകൾക്കകം തന്നെ ലക്ഷക്കണക്കിന് ആളുകളാണ് യൂട്യൂബില്‍ ഗാനം ആസ്വദിച്ചത്. മഹതി സ്വര സാഗർ (Mahati Swara Sagar ) ഈണമിട്ട ഗാനം മഹതി സ്വര സാഗറും ഒപ്പം വിജയ് പ്രകാശ് (Vijay prakash), സഞ്ജന കൽമഞ്ചെ (Sanjana Kalmanje) എന്നിവരും ചേർന്നാണ് ആലപിച്ചത്.
ശിവയുടെ സംവിധാനത്തില്‍ 2015 ല്‍ പുറത്തെത്തിയ, തമിഴ് ചിത്രം 'വേതാള'ത്തിന്‍റെ (Vedalam) റീമേക്ക് ആണ് 'ഭോലാ ശങ്കര്‍'. 'വേതാള'ത്തില്‍ അജിത്ത് (Ajith Kumar) ആയിരുന്നു നായക കഥാപാത്രത്തെ അവതരിപ്പിച്ചത്. തെലുഗു റീമേക്കില്‍ ചിരഞ്ജീവി ടൈറ്റില്‍ കഥാപാത്രത്തെ അവതരിപ്പിക്കുമ്പോൾ അഡ്വ. ദീപിക എന്ന കഥാപാത്രമായാണ് തമന്ന എത്തുന്നത്.
എ കെ എന്‍റര്‍ടെയ്ന്‍‍മെൻസിന്‍റെ ബാനറില്‍ രാമബ്രഹ്‍മം സുങ്കരയാണ് 'ഭോലാ ശങ്കര്‍' ചിത്രത്തിന്‍റെ നിർമാണം. അജയ് സുങ്കര ആണ് സഹനിർമാതാവ്. എഡിറ്റിംഗ് നിർവഹിക്കുന്നത് മാര്‍ത്താണ്ഡ് കെ വെങ്കടേഷ് ആണ്. എക്‌സിക്യൂട്ടീവ് പ്രൊഡ്യൂസര്‍ - കിഷോര്‍ ഗരികിപട്ടി, സംഘട്ടനം - റാം ലക്ഷ്‌മണ്‍, ദിലീപ് സുബ്ബരായന്‍, നൃത്തം - ശേഖര്‍ മാസ്റ്റര്‍ എന്നിവരും നിർവഹിക്കുന്നു.
തമന്നയ്‌ക്കൊപ്പം കീര്‍ത്തി സുരേഷും (Keerthy Suresh) ചിത്രത്തില്‍ പ്രധാന വേഷത്തിലുണ്ട്. രഘു ബാബു, മുരളി ശര്‍മ്മ, രവി ശങ്കര്‍, വെണ്ണെല കിഷോര്‍, തുളസി, ശ്രീ മുഖി, ബിത്തിരി സതി, സത്യ ഗെറ്റപ്പ് ശ്രീനു, രശ്‌മി ഗൗതം, ഉത്തേജ് തുടങ്ങിയവരാണ് ചിത്രത്തില്‍ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.
ചിരഞ്ജീവി നായകനായി ഈ വര്‍ഷം പുറത്തെത്തുന്ന രണ്ടാമത്തെ ചിത്രം കൂടിയാണ് 'ഭോല ശങ്കർ'. അടുത്തിടെയാണ് ചിത്രത്തിന്‍റെ ടീസർ അണിയറ പ്രവർത്തകർ പുറത്തുവിട്ടത്. ആരാധകര്‍ ഏറെ ആവേശത്തോടെയാണ് ചിരഞ്ജീവി ചിത്രത്തിന്‍റെ ടീസര്‍ ഏറ്റെടുത്തത്.
അതേസമയം തമന്നയുടെ തകർപ്പൻ പ്രകടനവുമായി 'ജയിലറി'ലെ (Jailer) 'കാവാല' (Kaavaalaa) എന്ന ഗാനം പുറത്തെത്തിയിരുന്നു. അനിരുദ്ധ് രവിചന്ദറിന്‍റെ (Anirudh Ravichander) മാസ്‌മരിക സംഗീതത്തോടൊപ്പം തമന്നയുടെ തകർപ്പൻ ചുവടുകൾ കൂടി ചേർന്നപ്പോൾ അവിസ്‌മരണീയമായ ദൃശ്യാനുഭവമാണ് 'കാവാലാ' പ്രേക്ഷകർക്ക് സമ്മാനിച്ചത്. അനിരുദ്ധ് രവിചന്ദറിന്‍റെ ഈണത്തിനൊപ്പം ഗാനത്തെ ഹിറ്റ് ആക്കിയത് തമന്നയുടെ നൃത്തച്ചുവടുകള്‍ ആണെന്നതില്‍ തർക്കമില്ല. ഇപ്പോഴിതാ തമന്നയുടെ നൃത്തം ഉള്‍പ്പെട്ട മറ്റൊരു ഗാനം കൂടി ആരാധകർ നെഞ്ചേറ്റുകയാണ്.
READ MORE: 'കാവാലാ' എത്തി ; ഐറ്റം ഡാന്‍സുമായി തമന്ന, സ്‌റ്റൈലന്‍ ചുവടുകളുമായി രജനികാന്തും
