വിവാഹം, റമദാൻ: കോഴി വില നിയന്ത്രിക്കുന്നത് തമിഴ്‌നാട് ലോബി, 'കേരള ചിക്കൻ' നോക്കുകുത്തി

ത​മി​ഴ്‌നാ​ടി​ന്‍റെ മാ​ർ​ക്ക​റ്റ്​ വി​ല​ക്ക​നു​സ​രി​ച്ചാ​ണ്​ കേരളത്തിൽ വ​ള​ർ​ത്തു​ന്ന കോ​ഴി​ക്കും​ വി​ല നി​ശ്ച​യി​ക്കു​ന്ന​ത്. വരും ദിവസങ്ങളിൽ ബ്രോയിലർ കോഴിക്കും ലഗോണിനും വിലയിൽ വർധനവ് ഉണ്ടാകുമെന്നാണ് സൂചന.

കോഴിക്കോട്: സം​സ്ഥാ​ന​ത്ത്​ കോഴിവിലയിൽ വൻ വർധനവ്. വിവാഹ സീസൺ അടുത്തതും റമദാൻ കാലമായതിനെയും തുടർന്നാണ് വിപണിയിലെ ഈ വിലക്കയറ്റം. തമിഴ്‌നാട്ടിൽ കോഴിത്തീറ്റക്ക് കുത്തനെ വില കൂട്ടിയിട്ടുണ്ട്. സംസ്ഥാനം കോഴിത്തീറ്റക്ക് പ്രധാനമായും ആശ്രയിക്കുന്നത് തമിഴ്‌നാട് ആണെന്നിരിക്കെ കേരളത്തിലെ കർഷകരുടെ ചെലവും വർധിച്ചു. തുടർന്ന് ഉത്പാദനവും കുറഞ്ഞു.

കോ​ഴി​ത്തീറ്റയുടെ വിലയിൽ ആ​യി​രം രൂ​പയുടെ വർധനവുണ്ടായെന്നാണ് ക​ർ​ഷ​ക​ർ പ​റ​യു​ന്ന​ത്. കോഴിത്തീറ്റക്ക് ചാ​ക്കി​ന്​ 1300 എന്ന നിരക്ക്​ 2400 ആ​യി ഉ​യ​ർ​ന്നു. ഉ​ത്​പാ​ദ​നം ഇ​വി​ടെ കു​റ​ഞ്ഞ​തോ​ടെ ത​മി​ഴ്​​നാ​ട്ടി​ലും വി​ല കൂ​ട്ടി. ത​മി​ഴ്‌നാ​ടി​ന്‍റെ മാ​ർ​ക്ക​റ്റ്​ വി​ല​ക്ക​നു​സ​രി​ച്ചാ​ണ്​ കേരളത്തിൽ വ​ള​ർ​ത്തു​ന്ന കോ​ഴി​ക്ക്​ വി​ല നി​ശ്ച​യി​ക്കു​ന്ന​ത്. ത​മി​ഴ്​​നാ​ട്ടി​ലും സീ​സ​ൺ മു​ന്നി​ൽ ക​ണ്ട്​ ഉ​ത്​പാ​ദ​നം കു​റ​ച്ച്​ ഡി​മാ​ൻ​ഡ്​ വ​ർ​ധി​പ്പി​ച്ചു.

ബ്രോയിലർ കോഴിക്കും ലഗോണിനും വിലകൂടുന്നു

ഒരാഴ്‌ച മുമ്പ് 170 രൂ​പ​യായിരുന്നു ബ്രോ​യി​ല​ർ ചി​ക്ക​ന്​ വിലയെങ്കിൽ ഞായറാഴ്‌ച ഇത് 220 രൂപയായി. വരും ദിവസങ്ങളിലും വിലയിൽ വൻ വർധനവ് ഉണ്ടാകുമെന്നാണ് സൂചന. ബ്രോയിലർ കോഴിക്ക് വില കൂടുന്നതോടെ ല​ഗോ​ൺ കോ​ഴി​ക്കും വില കൂടാനാണ് സാധ്യത. നിലവിൽ ല​ഗോ​ണിന് 170 രൂപയാണ് വില.

2021 സെ​പ്​​റ്റം​ബ​റി​ൽ 120 രൂ​പ​യാ​യി​രു​ന്നു​ കേ​ര​ള​ത്തി​ൽ ഒ​രു കി​ലോ കോ​ഴി​യി​റ​ച്ചി​യു​ടെ വി​ല. ലോക്ക്ഡൗൺ ​കാ​ല​ത്ത്​ സ​ർ​ക്കാ​ർ വി​പ​ണി​യി​ൽ ഇ​ട​പെ​ട്ട്​ വി​ല നി​യ​ന്ത്രി​ച്ചു നി​ർ​ത്തി. ഒ​ക്​​ടോ​ബ​ർ മു​ത​ൽ വി​ല കു​ത്ത​നെ കൂ​ടി. ലോ​ക്ക്‌ഡൗൺ കാ​ല​ത്തെ ന​ഷ്‌ടം നി​ക​ത്താ​നാ​യി​രു​ന്നു ഉത്​പാ​ദ​ക​രു​ടെ നീ​ക്ക​ങ്ങ​ൾ. ക​ഴി​ഞ്ഞ മാ​സം വി​ല 180 ആ​യി​രു​ന്നു. ഇ​പ്പോ​ൾ 220 ആ​യി.

കേരള ചിക്കൻ പദ്ധതി പരാജയപ്പെടുന്നു

ഞാ​യ​റാ​ഴ്‌ച മാ​ത്രം കി​ലോ​ക്ക്​ മൊ​ത്ത ​വി​ല മൂ​ന്ന്​ രൂ​പ വ​ർ​ധി​ച്ചെ​ന്ന്​ ചി​ല്ല​റ​ വ്യാ​പാ​രി​ക​ൾ പ​റ​യു​ന്നു. ഇ​ത്​ ഇ​റ​ച്ചി​യാ​ക്കി വി​ൽ​ക്കു​​മ്പോ​ൾ കി​ലോ​ക്ക്​ അ​ഞ്ച്​ രൂ​പ അ​ധി​കം വ​രും. കേ​ര​ള​ത്തി​ൽ കോ​ഴി ഉ​ത്​പാ​ദ​ന​ത്തി​ന്​ സ​ർ​ക്കാ​ർ പ​ല പ​ദ്ധ​തി​ക​ളും ആ​വി​ഷ്‌ക​രി​ച്ചെ​ങ്കി​ലും ഇ​​പ്പോ​ഴും ത​മി​ഴ്​​നാ​ടാ​ണ്​ ഇ​വി​ട​ത്തെ മാ​ർ​ക്ക​റ്റ്​ നി​യ​ന്ത്രി​ക്കു​ന്ന​ത്. കൊ​ട്ടി​ഘോ​ഷി​ച്ച കേ​ര​ള ചി​ക്ക​ൻ പ​ദ്ധ​തി​ക്കൊ​ന്നും വി​പ​ണി​യി​ൽ ഇ​ട​പെ​ടാ​നാ​യി​ല്ല. സം​സ്ഥാ​ന​​ത്തെ ആ​ഭ്യ​ന്ത​ര ​വി​പ​ണി​യു​ടെ അ​മ്പ​ത്​ ശ​ത​മാ​നം ഇ​റ​ച്ചി​ക്കോ​ഴി സംസ്ഥാന​ത്തി​ന​ക​ത്ത്​ ത​ന്നെ ഉ​ത്​പാ​ദി​പ്പി​ക്കാ​നാ​ണ്​ കു​ടും​ബ​ശ്രീ വ​ഴി കേ​ര​ള ചി​ക്ക​ൻ പ​ദ്ധ​തി ന​ട​പ്പിലാക്കിയത്.