കോഴിക്കോട്: വറുത്തുപ്പേരിയും ശർക്കരയുപ്പേരിയും ഇല്ലാതെ മലയാളിയുടെ ഓണസദ്യ പൂർണമാകില്ല. വാഴയിലയുടെ ഇടതുഭാഗത്ത് വിളമ്പുന്ന ശർക്കരവരട്ടിയും ഉപ്പേരിയും രുചിച്ചാണ് നമ്മൾ സദ്യയിലേക്ക് കടക്കുന്നത് തന്നെ.
കൊവിഡ് നിയന്ത്രണങ്ങൾക്കിടയിലും ശർക്കരവരട്ടിക്കും വറുത്തുപ്പേരിക്കും ആവശ്യക്കാരേറെയാണ്. സര്‍ക്കാരിന്‍റെ സൗജന്യ ഓണക്കിറ്റിൽ ഇവ ഉൾപ്പെടുത്തിയത് ആദ്യ ദിവസങ്ങളിൽ കച്ചവടക്കാരിൽ ആശങ്ക ജനിപ്പിച്ചിരുന്നു.
ഉപ്പേരിയില്ലാതെ മലയാളിക്കെന്ത് ഓണസദ്യ...
കച്ചവടം ആദ്യം മന്ദഗതിയിൽ ആയിരുന്നെങ്കിലും തിരുവോണനാൾ അടുത്തതോടെ കച്ചവടം ഉണർന്നെന്ന് കോഴിക്കോട് നഗരത്തിലെ ശാസ്‌ത ചിപ്‌സ് ഉടമ കെ പ്രദീപൻ പറഞ്ഞു. കിലോയ്ക്ക് 360 രൂപ നിരക്കിലാണ് ഇത്തവണ വറുത്തുപ്പേരിയും ശർക്കരയുപ്പേരിയും വിൽക്കുന്നത്.
