ന്യൂഡൽഹി: ഫ്രാൻസിൽ നിന്നും ഏഴാമത്തെ ബാച്ചില്‍ ഉള്‍പ്പെട്ട മൂന്ന് റഫാൽ യുദ്ധവിമാനങ്ങൾ കൂടി ഇന്ത്യയിലെത്തി. 8,000 കിലോമീറ്റർ ദൂരം പിന്നിട്ടെത്തിയ വിമാനം എവിടെയും നിര്‍ത്താതെയാണ് രാജ്യത്തെത്തിയത്. വ്യോമസേനയുടെ രണ്ടാമത് സ്‌ക്വാഡ്രണിന്‍റെ ഭാഗമായാണ് ജെറ്റുകളുടെ പുതിയ ബാച്ച് എത്തിയത്.
യു.എ.ഇ വ്യോമസേനയാണ് വിമാനത്തിന് യാത്രക്കിടെ ഇന്ധനം നിറച്ചുനല്‍കിയത്. യു.എ.ഇയുടെ ഇടപെടലിനെ ഇന്ത്യൻ വ്യോമസേന അഭിനന്ദിച്ചു. പുതിയ ഇറക്കുമതിയോടു കൂടി റഫാൽ ജെറ്റുകളുടെ ആകെ എണ്ണം 24 ആയി ഉയർന്നു. പശ്ചിമ ബംഗാളിലെ ഹസിമാര എയർബേസ് കേന്ദ്രീകരിച്ചാണ് പുതിയ സ്‌ക്വാഡ്രണ്‍.
