ETV Bharat / bharat

തകർപ്പൻ സെഞ്ച്വറിയുമായി രോഹിത്, കൂട്ടായി പുജാര; ഓവലില്‍ ഇന്ത്യൻ പ്രതീക്ഷ - ഇന്ത്യ- ഇംഗ്ലണ്ട് നാലാം ടെസ്റ്റ്

വിദേശ മണ്ണില്‍ ആദ്യ സെഞ്ച്വറിയുമായി രോഹിത് കളം നിറഞ്ഞപ്പോൾ ഇന്ത്യ രണ്ടാം ഇന്നിംഗ്‌സില്‍ 100 റൺസിന്‍റെ ലീഡ് സ്വന്തമാക്കി. കരിയറിലെ എട്ടാം ടെസ്റ്റ് സെഞ്ച്വറിയാണ് രോഹിത് ഇന്ന് നേടിയത്.

The Oval test ENGvIND 4thTest
തകർപ്പൻ സെഞ്ച്വറിയുമായി രോഹിത്, കൂട്ടായി പുജാര; ഓവലില്‍ ഇന്ത്യൻ പ്രതീക്ഷ
author img

By

Published : Sep 4, 2021, 8:12 PM IST

ഓവല്‍: ഇംഗ്ലണ്ടിന് എതിരായ നാലാം ക്രിക്കറ്റ് ടെസ്റ്റിന്‍റെ മൂന്നാം ദിനം ഇന്ത്യയ്ക്ക് മേല്‍ക്കൈ. 99 റൺസിന്‍റെ ഒന്നാം ഇന്നിംഗ്‌സ് കടം വീട്ടാനിറങ്ങിയ ഇന്ത്യയ്ക്ക് ഓപ്പണർ രോഹിത് ശർമയുടെ തകർപ്പൻ സെഞ്ച്വറിയാണ് കരുത്തായത്. വിദേശ മണ്ണില്‍ ആദ്യ സെഞ്ച്വറിയുമായി രോഹിത് കളം നിറഞ്ഞപ്പോൾ ഇന്ത്യ രണ്ടാം ഇന്നിംഗ്‌സില്‍ 100 റൺസിന്‍റെ ലീഡ് സ്വന്തമാക്കി. കരിയറിലെ എട്ടാം ടെസ്റ്റ് സെഞ്ച്വറിയാണ് രോഹിത് ഇന്ന് നേടിയത്.

46 റൺസെടുത്ത ഓപ്പണർ കെഎല്‍ രാഹുലിന്‍റെ വിക്കറ്റ് നഷ്ടമായെങ്കിലും തുടർന്ന് എത്തിയ ചേതേശ്വർ പുജാര രോഹിതിന് മികച്ച പിന്തുണയാണ് നല്‍കിയത്. ഇന്നലെ വിക്കറ്റ് നഷ്ടമാകാതെ 43 റൺസ് എന്ന നിലയിലാണ് ഇന്ത്യ കളി അവസാനിപ്പിച്ചത്. ഇന്നലെ ഇംഗ്ലണ്ട് ഒന്നാം ഇന്നിംഗ്‌സില്‍ 290 റൺസിന് എല്ലാവരും ഓൾഔട്ടായിരുന്നു. ഒന്നാം ഇന്നിംഗ്‌സില്‍ ഇന്ത്യ 191 റൺസിന് ഓൾഔട്ടായിരുന്നു.

മധ്യനിരയില്‍ അർധസെഞ്ച്വറിയുമായി മികച്ച പ്രകടനം നടത്തിയ ഒലി പോപാണ് (81 റൺസ്) ഇംഗ്ലണ്ടിന് ലീഡ് സമ്മാനിച്ചത്. വാലറ്റത്ത് അർധസെഞ്ച്വറി തികച്ച ക്രിസ് വോക്‌സ്‌ (50 ) പോപിന് മികച്ച പിന്തുണ നല്‍കി.

ജോണി ബെയർസ്റ്റോ ( 37), മോയിൻ അലി( 35), എന്നിവരുടെ പ്രകടനവും ഇംഗ്ലണ്ടിന് ലീഡ് ഉയർത്താൻ സഹായകമായി. ഇന്ത്യയ്ക്ക് വേണ്ടി ഉമേഷ് യാദവ് മൂന്ന്, ജസ്പ്രീത് ബുംറ, രവിന്ദ്ര ജഡേജ എന്നിവർ രണ്ട് വീതം, ശാർദുല്‍ താക്കൂർ, മുഹമ്മദ് സിറാജ് എന്നിവർ ഓരോ വിക്കറ്റും നേടി.

അഞ്ച് മത്സരങ്ങളുടെ പരമ്പരയില്‍ നിലവില്‍ ഇരു ടീമുകളും ഓരോ മത്സരം ജയിച്ചിട്ടുണ്ട്. ഒരെണ്ണം സമനിലയിലായി. അതുകൊണ്ടു തന്നെ പരമ്പര വിജയത്തില്‍ ഓവലിലെ ഈ മത്സരം നിർണായകമാണ് ഇരു ടീമുകൾക്കും. ലോക ടെസ്റ്റ് ചാമ്പ്യൻഷിപ്പ് മുന്നില്‍ നില്‍ക്കുന്നതിനാല്‍ ഇരു ടീമുകളും വിജയം മാത്രം ലക്ഷ്യമിട്ടാണ് ഓവലില്‍ കളിക്കുന്നത്.

ഓവല്‍: ഇംഗ്ലണ്ടിന് എതിരായ നാലാം ക്രിക്കറ്റ് ടെസ്റ്റിന്‍റെ മൂന്നാം ദിനം ഇന്ത്യയ്ക്ക് മേല്‍ക്കൈ. 99 റൺസിന്‍റെ ഒന്നാം ഇന്നിംഗ്‌സ് കടം വീട്ടാനിറങ്ങിയ ഇന്ത്യയ്ക്ക് ഓപ്പണർ രോഹിത് ശർമയുടെ തകർപ്പൻ സെഞ്ച്വറിയാണ് കരുത്തായത്. വിദേശ മണ്ണില്‍ ആദ്യ സെഞ്ച്വറിയുമായി രോഹിത് കളം നിറഞ്ഞപ്പോൾ ഇന്ത്യ രണ്ടാം ഇന്നിംഗ്‌സില്‍ 100 റൺസിന്‍റെ ലീഡ് സ്വന്തമാക്കി. കരിയറിലെ എട്ടാം ടെസ്റ്റ് സെഞ്ച്വറിയാണ് രോഹിത് ഇന്ന് നേടിയത്.

46 റൺസെടുത്ത ഓപ്പണർ കെഎല്‍ രാഹുലിന്‍റെ വിക്കറ്റ് നഷ്ടമായെങ്കിലും തുടർന്ന് എത്തിയ ചേതേശ്വർ പുജാര രോഹിതിന് മികച്ച പിന്തുണയാണ് നല്‍കിയത്. ഇന്നലെ വിക്കറ്റ് നഷ്ടമാകാതെ 43 റൺസ് എന്ന നിലയിലാണ് ഇന്ത്യ കളി അവസാനിപ്പിച്ചത്. ഇന്നലെ ഇംഗ്ലണ്ട് ഒന്നാം ഇന്നിംഗ്‌സില്‍ 290 റൺസിന് എല്ലാവരും ഓൾഔട്ടായിരുന്നു. ഒന്നാം ഇന്നിംഗ്‌സില്‍ ഇന്ത്യ 191 റൺസിന് ഓൾഔട്ടായിരുന്നു.

മധ്യനിരയില്‍ അർധസെഞ്ച്വറിയുമായി മികച്ച പ്രകടനം നടത്തിയ ഒലി പോപാണ് (81 റൺസ്) ഇംഗ്ലണ്ടിന് ലീഡ് സമ്മാനിച്ചത്. വാലറ്റത്ത് അർധസെഞ്ച്വറി തികച്ച ക്രിസ് വോക്‌സ്‌ (50 ) പോപിന് മികച്ച പിന്തുണ നല്‍കി.

ജോണി ബെയർസ്റ്റോ ( 37), മോയിൻ അലി( 35), എന്നിവരുടെ പ്രകടനവും ഇംഗ്ലണ്ടിന് ലീഡ് ഉയർത്താൻ സഹായകമായി. ഇന്ത്യയ്ക്ക് വേണ്ടി ഉമേഷ് യാദവ് മൂന്ന്, ജസ്പ്രീത് ബുംറ, രവിന്ദ്ര ജഡേജ എന്നിവർ രണ്ട് വീതം, ശാർദുല്‍ താക്കൂർ, മുഹമ്മദ് സിറാജ് എന്നിവർ ഓരോ വിക്കറ്റും നേടി.

അഞ്ച് മത്സരങ്ങളുടെ പരമ്പരയില്‍ നിലവില്‍ ഇരു ടീമുകളും ഓരോ മത്സരം ജയിച്ചിട്ടുണ്ട്. ഒരെണ്ണം സമനിലയിലായി. അതുകൊണ്ടു തന്നെ പരമ്പര വിജയത്തില്‍ ഓവലിലെ ഈ മത്സരം നിർണായകമാണ് ഇരു ടീമുകൾക്കും. ലോക ടെസ്റ്റ് ചാമ്പ്യൻഷിപ്പ് മുന്നില്‍ നില്‍ക്കുന്നതിനാല്‍ ഇരു ടീമുകളും വിജയം മാത്രം ലക്ഷ്യമിട്ടാണ് ഓവലില്‍ കളിക്കുന്നത്.

For All Latest Updates

TAGGED:

EngvInd4thTest #ENGvINDThe Oval testതകർപ്പൻ സെഞ്ച്വറിയുമായി രോഹിത് ശർമഓവലില്‍ ഇന്ത്യൻ പ്രതീക്ഷഓവല്‍ ടെസ്റ്റ്

Quick Links / Policies

Get Us On

ETV Bharat IOS AppETV Bharat Google App

Please write to us, for media partnership and Ad-sales inquiries. Email: adops@etvbharat.com

ഫീച്ചേർഡ്

നീറ്റ്, അദാനി, വഖഫ്..; 2024 നെ പിടിച്ചുലച്ച പതിമൂന്ന് വിവാദങ്ങൾ | YEAR ENDER 2024

വിഐപി ആണ് കണ്ടോന്താർ...! സെലിബ്രിറ്റി ആണ് കൈതപ്രം...!; പ്രശസ്‌തരെ പെറ്റുപോറ്റിയ കണ്ണൂര്‍ ഗ്രാമങ്ങള്‍

ട്രെയിൻ എഞ്ചിനുകളിലെ ശൗചാലയം വനിത ലോക്കോ പൈലറ്റുമാര്‍ക്ക് വിദൂര സ്വപ്‌നം; ദുരിത യാത്രയ്ക്ക് എന്ന് അറുതി?

ചപ്പാത്തി ബാക്കിയായോ ? എങ്കിൽ ഉണ്ടാക്കാം ഒരു കിടിലൻ ഐറ്റം; റെസിപ്പി

ETV Bharat Logo

Copyright © 2025 Ushodaya Enterprises Pvt. Ltd., All Rights Reserved.