ന്യൂഡല്‍ഹി: അധികാരത്തിലെത്തിയാല്‍ ഫിഷറീസ് മന്ത്രാലയം രൂപീകരിക്കുമെന്ന രാഹുല്‍ഗാന്ധിയുടെ പരാമര്‍ശത്തെ പരിഹസിച്ച് കേന്ദ്ര ഫിഷറീസ് വകുപ്പ് മന്ത്രി ഗിരിരാജ് സിങ്. രാഹുല്‍ഗാന്ധിക്ക് ഇന്ത്യയിലെ ഒരു കാര്യവും അറിയില്ലെന്നതിന് തെളിവാണ് അദ്ദേഹത്തിന്‍റെ ഈ പ്രസ്താവന. 2019 മെയ് മാസത്തിൽ പ്രധാനമന്ത്രി നരേന്ദ്ര മോദി ഫിഷറീസ് മന്ത്രാലയം സ്ഥാപിച്ചിരുന്നുവെന്ന് ഓർമ്മിപ്പിച്ചു.
ഫെബ്രുവരി 2 നായിരുന്നു രാഹുൽ ഗാന്ധി ഇത്തരത്തില്‍ ഒരു പ്രസ്താവന നടത്തിയത്. എന്നാൽ പുതുച്ചേരിയിലും കൊച്ചിയിലും ഫിഷറീസ് വകുപ്പില്ലെന്നും അദ്ദേഹം പറഞ്ഞു. അദ്ദേഹത്തിന് ഓര്‍മ്മക്കുറവ് വന്നോ എന്നും കേന്ദ്ര മന്ത്രി ചോദിക്കുന്നു.
