ന്യൂഡല്‍ഹി: കശ്‌മീരിലെ ബരാമുള്ളയിലുണ്ടായ ഭീകരാക്രമണത്തില്‍ സുരക്ഷ ഉദ്യോഗസ്ഥര്‍ കൊല്ലപ്പെട്ട സംഭവത്തില്‍ അനുശോചനമറിയിച്ച് ഡല്‍ഹി മുഖ്യമന്ത്രി അരവിന്ദ് കെജ്‌രിവാള്‍. സൈനികര്‍ക്ക് നേരെയുണ്ടാകുന്ന ഭീകരാക്രമണം ഒരിക്കലും സ്വീകര്യമല്ലെന്നും ഇതിനെതിരെ തിരിച്ചടിക്കണമെന്നും അദ്ദേഹം ട്വീറ്റ് ചെയ്‌തു.
Read More: പൊലീസിന് നേരെ തീവ്രവാദി വെടിയുതിർത്തു; അഞ്ച് പേർ കൊല്ലപ്പെട്ടു
ബരാമുള്ളയിലെ സോപോറയില്‍ പൊലീസിനും സിആര്‍പിഎഫ്‌ ഉദ്യോഗസ്ഥര്‍ക്കും നേരെയുണ്ടായ ആക്രമണത്തില്‍ രണ്ട് പൊലീസ് ഉദ്യോഗസ്ഥരും മൂന്ന് സാധാരണക്കാരുമാണ് കൊല്ലപ്പെട്ടത്. മൂന്ന് പേര്‍ക്ക് ഗുരുതര പരിക്കേറ്റതായും റിപ്പോര്‍ട്ടുണ്ട്. ലഷ്‌കർ-ഇ-തൊയ്ബയാണ് ആക്രമണത്തിന് പിന്നിലെന്ന് കശ്‌മീർ ഐ.ജി വിജയ് കുമാർ പറഞ്ഞു. ശനിയാഴ്‌ച ഉച്ചയ്‌ക്ക് 12 മണിയോടെയാണ് ആക്രമണമുണ്ടായത്. അക്രമികള്‍ക്കായുള്ള തെരച്ചില്‍ തുടരുകയാണ്.
