ഈ വര്‍ഷം പ്രേക്ഷകര്‍ ആകാംക്ഷയോടെ കാത്തിരിക്കുന്ന ചിത്രങ്ങളില്‍ ഒന്നാണ് കിങ് ഖാന്‍ ഷാരൂഖ് ഖാന്‍റെ (Shah Rukh Khan) ജവാന്‍ (Jawan). റിലീസിനോടടുക്കുന്ന സിനിമയുടെ ഓരോ പുതിയ അപ്‌ഡേറ്റുകളും ആരാധകര്‍ ആവേശപൂര്‍വ്വം സ്വീകരിക്കുകയാണ്. ഇപ്പോഴിതാ ജവാന്‍റെ ഓഡിയോ ലോഞ്ചിനെ (Jawan audio launch) കുറിച്ചുള്ള അപ്‌ഡേറ്റാണ് പുറത്തുവരുന്നത്.
റിലീസിന് മുന്നോടിയായി, വളരെ പ്രൗഡ ഗംഭീര ചടങ്ങായി 'ജവാന്‍റെ' ഓഡിയോ ലോഞ്ച് നടത്താനാണ് അണിയറപ്രവര്‍ത്തകരുടെ തീരുമാനം. നയൻതാരയാണ് (Nayanthara) ചിത്രത്തില്‍ ഷാരൂഖിന്‍റെ നായികയായി എത്തുന്നത്. തമിഴ് സൂപ്പര്‍ താരം വിജയ് സേതുപതിയും (Vijay Sethupathi) സുപ്രധാന വേഷത്തില്‍ എത്തും. അറ്റ്‌ലി (Atlee) സംവിധാനം ചെയ്യുന്ന ചിത്രം സെപ്റ്റംബർ ഏഴിനാണ് തിയേറ്ററുകളിൽ എത്തുന്നത് (Jawan release). പ്രഖ്യാപനം മുതല്‍ സിനിമയ്‌ക്ക് വളരെയധികം ഹൈപ്പുകളാണ് ലഭിച്ചുകൊണ്ടിരിക്കുന്നത്.
Jawan audio launch in Chennai: കഴിഞ്ഞ ദിവസം (ഓഗസ്‌റ്റ് 25) ഷാരൂഖ് ഖാൻ ജവാനില്‍ നിന്നുള്ള രസകരമായ ഒരു പോസ്‌റ്റര്‍ റിലീസ് ചെയ്‌തിരുന്നു. ശേഷം ആരാധകര്‍ കൂടുതല്‍ ആവേശത്തിലാവുകയും പുതിയ അപ്‌ഡേറ്റിനായുള്ള കാത്തിരിപ്പിലുമാണ്. ചിത്രത്തിലെ 'സിന്ദാ ബന്ദ' (Zinda Banda), 'ചലേയ' (Chaleya) എന്നീ ഗാനങ്ങൾക്കും സോഷ്യൽ മീഡിയയിൽ മികച്ച അഭിപ്രായമാണ് ലഭിച്ചത്. പിന്നാലെ, പ്രൗഡ ഗംഭീരമായ ഓഡിയോ ലോഞ്ച് സംഘടിപ്പിക്കാൻ അണിയറപ്രവർത്തകർ തീരുമാനിക്കുകയായിരുന്നു.
ചിത്രത്തിലെ പ്രധാന കഥാപാത്രങ്ങളായ ഷാരൂഖ് ഖാന്‍, നയൻതാര, സംവിധായകന്‍ അറ്റ്‌ലി എന്നിവർ ഗ്രാൻഡ് ലോഞ്ചിന്‍റെ ഭാഗമാകുമെന്നാണ് സൂചന. ചലച്ചിത്ര നിരൂപകനും ട്രേഡ് അനലിസ്‌റ്റുമായ രമേഷ് ബാലയാണ് ഇതുസംബന്ധിച്ച് സോഷ്യല്‍ മീഡിയയിലൂടെ വിവരം പങ്കുവച്ചത്. ഓഗസ്‌റ്റ് 30ന് വൈകിട്ട് ചെന്നൈയില്‍ വച്ച് ജവാന്‍ ഓഡിയോ ലോഞ്ച് നടത്തുമെന്നാണ് രമേഷ് ബാലയുടെ ട്വീറ്റ്.
Also Read: Jawan first song| 1000 നര്‍ത്തകര്‍ക്കൊപ്പം തകര്‍ത്താടി ഷാരൂഖ് ഖാന്‍; ജവാന്‍ ആദ്യം ഗാനം പുറത്ത്
ഷാരൂഖ് ഖാന്‍റെ 'ജവാൻ' അദ്ദേഹത്തിന്‍റെ എക്കാലത്തെയും ചെലവേറിയ ചിത്രമാണ്! പഠാന്‍റെ (Pathaan) 250 കോടി ബജറ്റിനെ പിന്തള്ളി 300 കോടിയുടെ വൻ ബജറ്റിലാണ് ജവാന്‍ ഒരുക്കിയിരിക്കുന്നത്. ഇതേ കുറിച്ചുള്ള കൂടുതൽ വിശദാംശങ്ങൾക്കായി കാത്തിരിക്കുന്നു.
സംവിധായകന്‍ അറ്റ്‌ലി തന്നെയാണ് 'ജവന്‍റെ' രചനയും നിർവഹിച്ചിരിക്കുന്നത്. പ്രിയാമണി, സന്യ മൽഹോത്ര എന്നിവരും ചിത്രത്തില്‍ സുപ്രധാന വേഷങ്ങളില്‍ എത്തുന്നു. ഒരു കൊമേഴ്‌ഷ്യല്‍ എന്‍റര്‍ടെയ്‌നറായി ഒരുക്കിയിരിക്കുന്ന ചിത്രത്തിൽ ഇരട്ട വേഷത്തിലാണ് ഷാരൂഖ് ഖാന്‍ പ്രത്യക്ഷപ്പെടുന്നത്. ഒരു ഇന്‍റലിജന്‍റ് ഓഫിസറുടെയും കള്ളന്‍റെയും വേഷമാണ് താരം അവതരിപ്പിക്കുക.
ഹൈദരാബാദ്, ചെന്നൈ, മുംബൈ, പൂനെ, രാജസ്ഥാൻ, ഔറംഗബാദ് എന്നിവിടങ്ങളിലാണ് സിനിമയുടെ ചിത്രീകരണം പൂര്‍ത്തീകരിച്ചത്. അനിരുദ്ധ് രവിചന്ദറാണ് സിനിമയ്‌ക്ക് വേണ്ടി സംഗീതം ഒരുക്കിയിരിക്കുന്നത്.
Also Read: Jawan| 'ജവാൻ' പുതിയ പോസ്റ്ററുമായി ഷാരൂഖ്; കിങ് ഖാനൊപ്പം മാസായി വിജയ് സേതുപതിയും നയൻതാരയും
