റിപ്പബ്ലിക് ദിനത്തില്‍ ആകാശ വിസ്‌മയം തീര്‍ത്ത് വ്യോമസേന
ന്യൂഡല്‍ഹി: 74ാം റിപ്പബ്ലിക് ദിനത്തില്‍ ആകാശ വിസ്‌മയം തീര്‍ത്ത് ഇന്ത്യന്‍ വ്യോമസേന. ആകാശപ്രകടനത്തില്‍ വ്യോമസേനയുടേത് കൂടാതെ നാവിക സേനയുടേയും കരസേനയുടേയും യുദ്ധവിമാനങ്ങളും ഹെലികോപ്റ്ററുകളും ഉണ്ടായിരുന്നു. വ്യോമസേനയുടെ 45 യുദ്ധവിമാനങ്ങളും, നേവിയുടെ ഒരു യുദ്ധവിമാനവും, കരസേനയുടെ നാല്‌ ഹെലികോപ്റ്ററുകളും വ്യോമാഭ്യാസത്തിന്‍റെ ഭാഗമായി.
മിഗ് 29 യുദ്ധ വിമാനങ്ങളും അപ്പാച്ചെ ഹെലികോപ്റ്ററുകളുമൊക്കെ വിവിധ സൈനിക ഫോര്‍മേഷനുകളില്‍ പറന്നുയര്‍ന്നു. ഈ വിമാനങ്ങള്‍ ആകാശത്ത് ഇന്ത്യന്‍ പതാകയുടെ ത്രിവര്‍ണവും വിതറി. കൂടാതെ മൂന്ന് യുദ്ധവിമാനങ്ങള്‍ ഒരുമിച്ച് പറന്ന് 'ത്രിശൂല്‍ പ്രകടനവും' നടത്തി.
