ന്യൂഡൽഹി: 2021-22 അക്കാദമിക് വർഷത്തെ പത്ത്, പന്ത്രണ്ട് ക്ലാസ് രണ്ട് ടേമുകളായി വിഭജിക്കുമെന്നും ഓരോ ടേം അവസാനിക്കുമ്പോഴും യഥാക്രമം പരീക്ഷകൾ നടത്തുമെന്നും സിബിഎസ്ഇ. കൊവിഡ് മൂലം 2020-21 അക്കാദമിക്ക് വർഷത്തിൽ സ്കൂളുകളുടെ പ്രവർത്തനങ്ങൾ ഓൺലൈനായിരുന്നു.
2021ൽ പുറത്തിറക്കിയ പാഠ്യപദ്ധതിയും സിലബസും സ്‌കൂളുകൾ പിന്തുടരുമെന്ന് സിബിഎസ്ഇ ഇറക്കിയ പുതിയ മാർഗനിർദേശങ്ങളിൽ പറയുന്നു. അനുകൂല സാഹചര്യം ഉണ്ടാകുന്നതുവരെ സ്‌കൂളുകൾ വിദൂര മോഡൽ അധ്യാപനം തുടരും. രാജ്യത്തെ കൊവിഡ് സ്ഥിതിഗതികൾ കണക്കിലെടുത്ത് പത്ത്, പന്ത്രണ്ട് ക്ലാസ് പരീക്ഷകൾ റദ്ദാക്കിയിരുന്നു.
Also read: പ്രണബ് മുഖര്‍ജിയുടെ മകന്‍ അഭിജിത്ത് മുഖര്‍ജി തൃണമൂല്‍ കോണ്‍ഗ്രസില്‍
പത്താം ക്ലാസ് വിദ്യാർഥികളുടെ മാർക്കുകൾ യഥാക്രമം 10, 11, 12 ക്ലാസ് ഫലങ്ങളുടെ അടിസ്ഥാനത്തിൽ വിലയിരുത്തുന്നതിനായി 30:30:40 ഫോർമുല സ്വീകരിക്കുമെന്ന് സിബിഎസ്ഇ അടുത്തിടെ പറഞ്ഞിരുന്നു. കൂടാതെ മൂല്യനിർണ്ണയ പ്രക്രിയയിൽ സംതൃപ്തരല്ലാത്ത വിദ്യാർഥികൾക്ക് രാജ്യത്തെ കൊവിഡ് സാഹചര്യങ്ങൾ അനുകൂലമാകുമ്പോൾ പന്ത്രണ്ടാം ക്ലാസ് പരീക്ഷ എഴുതാൻ അവസരമൊരുക്കുമെന്നും റിപ്പോർട്ടിൽ പറയുന്നു.
