കൃഷ്‌ണ/ആന്ധ്രാപ്രദേശ്: പബ്‌ജി ഗെയിം തോറ്റതിലുള്ള മനോവിഷമത്തിൽ 16കാരൻ ആത്മഹത്യ ചെയ്‌തു. ആന്ധ്രാപ്രദേശിലെ കൃഷ്‌ണ ജില്ലയിലെ മച്ചിലിപട്ടണം ഹൗസിങ് ബോർഡ് സ്വദേശിയായ ഊട്ടുകൂർ പ്രഭു എന്ന ബാലനാണ് ഇന്ന് രാവിലെ മുറിയിലെ ഫാനിൽ തൂങ്ങി മരിച്ചത്.
പബ്‌ജി ഗെയിം തോറ്റതിനെത്തുടർന്ന് പ്രഭുവിനെ സുഹൃത്തുക്കൾ കളിയാക്കിയിരുന്നു. ഇതിനെത്തുടർന്ന് കടുത്ത മനോവിഷമത്തിലായിരുന്ന കുട്ടി തന്‍റെ മുറിയിലെ ഫാനിൽ തൂങ്ങി മരിക്കുകയായിരുന്നു. മൃതദേഹം പോസ്റ്റ്‌മോർട്ടത്തിനായി മാറ്റി. സംഭവത്തിൽ പൊലീസ് അന്വേഷണം ആരംഭിച്ചു.
ശ്രദ്ധിക്കുക: ആത്മഹത്യ ഒന്നിനും പരിഹാരമല്ല. മാനസികാരോഗ്യ വിദഗ്‌ധരുടെ സഹായം തേടുക, അതിജീവിക്കാൻ ശ്രമിക്കുക. ഹെൽപ്‌ലൈൻ നമ്പർ - 1056, 104, 0471- 2552056. മൈത്രി 0484 2540530, തണല്‍ 0495 2760000, ദിശ 1056
Assistance for overcoming suicidal thoughts is available on the State’s health helpline 104, Maithri - 0484-2540530, Thanal - 0495-2760000 and DISHA – 1056.
