ഹൈദരാബാദ്: രാമായണകഥയെ ആസ്‌പദമാക്കി ത്രീഡി ദൃശ്യവിസ്‌മയത്തിലൊരുങ്ങുന്ന ആദിപുരുഷ് എന്ന ചിത്രത്തിന്‍റെ ടീസര്‍ പുറത്തിറങ്ങിയത് മുതല്‍ സിനിമയ്‌ക്ക്‌ നിരവധി വിമര്‍ശനങ്ങള്‍ ഉയര്‍ന്നതിനെതുടര്‍ന്ന് അണിയറപ്രവര്‍ത്തകര്‍ റിലീസ് മാറ്റിവച്ചിരുന്നു. ചിത്രം ജൂണില്‍ റിലീസ് ചെയ്യാനൊരുങ്ങുന്നുവെന്നാണ് ഏറ്റവും പുതിയ വിവരം. ആദിപുരുഷിന്‍റെ ടീസര്‍ നിരവധി ട്രോളുകള്‍ ഏറ്റുവാങ്ങിയെങ്കിലും പ്രഭാസ് കൃതി സനോണ്‍ ജോഡിയുടെ പ്രണയ രംഗങ്ങളാണ് ചിത്രത്തില്‍ പ്രേക്ഷക ശ്രദ്ധ ആകര്‍ഷിക്കുവാന്‍ ഒരുങ്ങുന്ന പ്രധാന ഘടകം.
-
If ever get a chance I will marry #Prabhas ......
— ` (@Offline_beta) November 25, 2022 " class="align-text-top noRightClick twitterSection" data="
~Uppalapati KritiSanon 😍 #PraKriti pic.twitter.com/PkSknzQjuh
">If ever get a chance I will marry #Prabhas ......
— ` (@Offline_beta) November 25, 2022
~Uppalapati KritiSanon 😍 #PraKriti pic.twitter.com/PkSknzQjuhIf ever get a chance I will marry #Prabhas ......
— ` (@Offline_beta) November 25, 2022
~Uppalapati KritiSanon 😍 #PraKriti pic.twitter.com/PkSknzQjuh
പ്രധാന ആകര്‍ഷണം രാമന്‍-സീത പ്രണയം: ചിത്രത്തില്‍ ഇരുവരും പ്രണയജോഡികളായി എത്തിയതോടെ യഥാര്‍ഥ ജീവിതത്തില്‍ പ്രഭാസ്-കൃതി ഡേറ്റിങ്ങിനെക്കുറിച്ചും വിവാഹ നിശ്ചയത്തെക്കുറിച്ചും ആരാധകര്‍ക്കിടയില്‍ കിംവദന്തികള്‍ പടരുകയാണ്. ചിത്രത്തിലെ വിഎഫ്‌എക്‌സ് എഡിറ്റിനെ മാറ്റിനിര്‍ത്തിയാല്‍ പ്രഭാസ്-കൃതി താരങ്ങളുടെ ഓണ്‍സ്‌ക്രീന്‍ പ്രണയമാണ് പ്രധാന ആകര്‍ഷണമെന്ന് എഡിറ്റര്‍ ആഷിഷ് മാത്രെ പറയുന്നു. ആദിപുരുഷില്‍ താരങ്ങളുടെ പ്രണയത്തെക്കുറിച്ച് വര്‍ണിക്കുവാന്‍ തനിക്ക് വാക്കുകളില്ലെന്ന് ആഷിഷ് പ്രതികരിച്ചു.
കൂടാതെ, ഇരുവരുടെയും വൈകാരികമായ സീനുകള്‍ പ്രേക്ഷക ശ്രദ്ധ ആകര്‍ഷിക്കുമെന്നതില്‍ ഉറപ്പുണ്ട്. ഒരുപക്ഷേ ഇരുവരുടെയും ബന്ധത്തെക്കുറിച്ച് കിംവദന്തികള്‍ പ്രചരിക്കുന്നതിനാലായിരിക്കും പ്രഭാസ്- കൃതി ജോഡി ഓണ്‍സ്‌ക്രീനില്‍ ഇത്രമാത്രം ആകര്‍ഷകമായി തോന്നിയതെന്ന് ചിത്രത്തിന്‍റെ എഡിറ്റര്‍ പറഞ്ഞു. ഇരുവരും തമ്മിലുള്ള കെമിസ്‌ട്രി ആരാധകരുടെ സംശയത്തെ ഒന്നുകൂടി ഊട്ടിയുറപ്പിക്കുന്നതാണ്.
-
Kriti ma'am loved your bond with Prabhas Garu ❤.
— Gracy 💫 (@GracefulGray_) October 4, 2022 " class="align-text-top noRightClick twitterSection" data="
Also you were looking awesome as Mata Sita You're completely justifying the role 💯❤. #Prabhas #KritiSanon #Prakriti pic.twitter.com/9CZwHV0lxx
">Kriti ma'am loved your bond with Prabhas Garu ❤.
— Gracy 💫 (@GracefulGray_) October 4, 2022
Also you were looking awesome as Mata Sita You're completely justifying the role 💯❤. #Prabhas #KritiSanon #Prakriti pic.twitter.com/9CZwHV0lxxKriti ma'am loved your bond with Prabhas Garu ❤.
— Gracy 💫 (@GracefulGray_) October 4, 2022
Also you were looking awesome as Mata Sita You're completely justifying the role 💯❤. #Prabhas #KritiSanon #Prakriti pic.twitter.com/9CZwHV0lxx
വിവാഹ അഭ്യൂഹങ്ങള്‍: സിനിമ നിരൂപകന്‍ എന്ന് വിശേഷിപ്പിക്കുന്ന ഉമൈര്‍ സന്ധുവായിരുന്നു പ്രഭാസിന്‍റെയും കൃതി സനോണിന്‍റെയും വിവാഹ നിശ്ചയത്തെക്കുറിച്ചുള്ള വാര്‍ത്തകള്‍ പുറത്തുവിട്ടത്. ഇരുവരുടെയും വിവാഹ നിശ്ചയം മാലിദ്വീപില്‍ നടക്കുമെന്ന വിവരം ട്വിറ്ററിലൂടെയാണ് ഉമൈര്‍ അറിയിച്ചത്. 'പ്രഭാസ്-കൃതി സനോണ്‍ വിവാഹ നിശ്ചയം അടുത്ത ആഴ്‌ച മാലിദ്വീപില്‍ വച്ച് നടക്കും- വളരെയധികം സന്തോഷം തോന്നുന്നു'- ഉമൈര്‍ ട്വീറ്റ് ചെയ്‌തു.
ഇരുവരെയും ഒരുമിച്ച് ആരാധകര്‍ പ്രകൃതി എന്നാണ് സ്‌നേഹത്തോടെ വിളിക്കുന്നത്. എന്നാല്‍, താരങ്ങള്‍ തങ്ങളുടെ വിവാഹത്തെക്കുറിച്ച് ഔദ്യോഗികമായ അറിയിപ്പുകളൊന്നും ഇതുവരെ പുറത്ത് വിട്ടിട്ടില്ല. എന്നാല്‍, ഉമൈറിന്‍റെ വെളിപ്പെടുത്തല്‍ അവിശ്വസനീയമെന്നാണ് പ്രഭാസ് ടീം വാര്‍ത്തകളോട് പ്രതികരിച്ചത്.
കഴിഞ്ഞ ഒക്‌ടോബറില്‍ ചിത്രത്തിന്‍റെ ടീസര്‍ പുറത്ത് ഇറങ്ങിയിരുന്നു. ടീസര്‍ ലോഞ്ചിനിടെയാണ് താരങ്ങള്‍ക്കിടയില്‍ എന്തോ കെമിസ്‌ട്രി ഉണ്ടെന്നുള്ള സംശയം ആരാധകര്‍ക്ക് അനുഭവപ്പെട്ടത്. ടീസര്‍ ലോഞ്ചിനിടെയിലുള്ള ഇരുവരുടെയും രംഗങ്ങള്‍ സമൂഹമാധ്യമങ്ങളില്‍ വൈറലായിരുന്നു.
- " class="align-text-top noRightClick twitterSection" data="">
ചിത്രം ജൂണിന് ബിഗ് സ്‌ക്രീനില്‍: ഈ വര്‍ഷം ജനുവരിയിലായിരുന്നു ആദിപുരുഷ് റിലീസ് ചെയ്യാനിരുന്നത്. എന്നാല്‍, ടീസര്‍ റിലീസിനെ തുടര്‍ന്ന് നിരവധി വിമര്‍ശനങ്ങള്‍ നേരിട്ടതിനാല്‍ റിലീസ് ജൂണ്‍ 16ലേയ്‌ക്ക് മാറ്റി വയ്‌ക്കുകയായിരുന്നു. പുരാണ രാമായണ കഥയെ ആസ്‌പദമാക്കി ചിത്രീകരിച്ചിരിക്കുന്ന സിനിമ സംവിധാനം ചെയ്യുന്നത് ഓം റൗട്ടാണ്.
പ്രഭാസും കൃതി സനോണും രാമനും സീതയുമായി വേഷമിടുമ്പോള്‍ സണ്ണി സിങാണ് ലക്ഷ്‌മണന്‍റെ കഥാപാത്രത്തെ അവതരിപ്പിക്കുന്നത്. പുരാണകഥയിലെ എക്കാലത്തെയും വില്ലന്‍ കഥാപാത്രമായ രാവണനായി എത്തുന്നത് സെയ്‌ഫ് അലിഖാനാണ്. ഹിന്ദിയിലും തെലുഗുവിലുമായാണ് സിനിമ ചിത്രീകരിച്ചിരിക്കുന്നത്.
തമിഴ്‌, മലയാളം എന്നീ ഭാഷകള്‍ക്ക് പുറമെ വിദേശഭാഷകളിലും ചിത്രം ഡബ് ചെയ്‌തിട്ടുണ്ട്. ടി-സീരീസ് മേധാവി ഭൂഷൺ കുമാറും ഓം, പ്രസാദ് സുതാർ എന്നിവരുടെ ഉടമസ്ഥതയിലുള്ള റിട്രോഫിലിസും ചേർന്നാണ് ചിത്രം നിർമിക്കുന്നത്.
