Virat Kohli: ಗುರುವಾರದಿಂದ ಅಂದ್ರೆ ನಾಳೆಯಿಂದ ರಣಜಿ ಟ್ರೋಫಿ ಪಂದ್ಯಗಳ ಅಂತಿಮ ಸುತ್ತು ನಡೆಯಲಿದೆ. ಇದಕ್ಕಾಗಿ ಎಲ್ಲ ತಂಡಗಳು ಸಿದ್ಧಗೊಂಡಿವೆ. ಸದ್ಯ ನಾವು ರಣಜಿಯಲ್ಲಿ ನಾಯಕ ರೋಹಿತ್ ಶರ್ಮಾ ಆಟ ನೋಡಿದ್ದೇವೆ. ಈಗ ಸ್ಟೈಲೀಶ್ ಆಟಗಾರ, ರನ್ ಮಷಿನ್ ಎಂದೇ ಖ್ಯಾತಿ ಪಡೆದಿರುವ ಆರ್ಸಿಬಿ ಸ್ಫೋಟಕ ಬ್ಯಾಟ್ಸ್ಮನ್ ವಿರಾಟ್ ಕೊಹ್ಲಿ ಅಬ್ಬರ ಶುರುವಾಗಲಿದೆ.
ವಿರಾಟ್ ಕೊಹ್ಲಿ 13 ವರ್ಷಗಳ ನಂತರ ದೇಶೀಯ ಕ್ರಿಕೆಟ್ ಆಡಲು ಸಿದ್ಧರಾಗಿದ್ದಾರೆ. ದೆಹಲಿಯ ರಣಜಿ ಟ್ರೋಫಿ ಫೈನಲ್ ಸುತ್ತಿನ ಪಂದ್ಯಗಳು ಜನವರಿ 30 ರಿಂದ ಪ್ರಾರಂಭವಾಗಲಿವೆ. ರೋಸ್ಟರ್ ವ್ಯವಸ್ಥೆಯಡಿ ಕೇವಲ ಮೂರು ಪಂದ್ಯಗಳು ಮಾತ್ರ ನೇರ ಪ್ರಸಾರಕ್ಕೆ ಲಭ್ಯವಿದೆ. ವಿರಾಟ್ ಮೊದಲು ಆಡುವ ಪಂದ್ಯಕ್ಕೆ ಸ್ಥಳವಿಲ್ಲ. ಆದರೆ, ಕೊನೆಯ ಕ್ಷಣದಲ್ಲಿ ಬಿಸಿಸಿಐ ತನ್ನ ನಿರ್ಧಾರ ಬದಲಾಯಿಸಿತು ಎಂದು ಕ್ರಿಕೆಟ್ ಮೂಲಗಳು ತಿಳಿಸಿವೆ.
"ದೆಹಲಿ ಪಂದ್ಯವನ್ನು ಜಿಯೋ ಸಿನಿಮಾ ಒಟಿಟಿಯಲ್ಲಿ ನೇರ ಪ್ರಸಾರ ಮಾಡಲಾಗುತ್ತದೆ." ಈ ನಿಟ್ಟಿನಲ್ಲಿ ಬಿಸಿಸಿಐ ನಿರ್ಧಾರ ತೆಗೆದುಕೊಂಡಿದೆ. ದೆಹಲಿಯಲ್ಲಿ ವಿರಾಟ್ ಕೊಹ್ಲಿ ಆಟವನ್ನು ನೇರಪ್ರಸಾರ ವೀಕ್ಷಿಸಲು ಸಾಧ್ಯವಾಗದವರಿಗೆ ಇದು ಒಳ್ಳೆಯ ಸುದ್ದಿ. "ನಿಮ್ಮ ಮನೆಯಿಂದಲೇ ಪಂದ್ಯವನ್ನು ವೀಕ್ಷಿಸಲು ಅವಕಾಶವಿದೆ" ಎಂದು ಬಿಸಿಸಿಐ ಅಧಿಕಾರಿಯೊಬ್ಬರು ಏಜೆನ್ಸಿಗೆ ತಿಳಿಸಿದ್ದಾರೆ. ವಿರಾಟ್ ಕೊಹ್ಲಿ ಈಗಾಗಲೇ ದೆಹಲಿ ತಂಡದೊಂದಿಗೆ ಅಭ್ಯಾಸ ಮಾಡುತ್ತಿದ್ದಾರೆ.
ಹುಡುಗನಿಗೆ ಕೊಹ್ಲಿ ಸಲಹೆ: ದೆಹಲಿಯಲ್ಲಿ ಅಭ್ಯಾಸ ಮಾಡುವಾಗ ವಿರಾಟ್ ಕೊಹ್ಲಿ ಹುಡುಗರಿಗೆ ಸಲಹೆ ನೀಡುತ್ತಿರುವುದು ಕಂಡುಬಂದಿತು. ಅದೇ ಸಮಯಕ್ಕೆ ಒಬ್ಬ ಹುಡುಗ ಕೊಹ್ಲಿ ಬಳಿ ಬಂದಿದ್ದಾನೆ. ಭವಿಷ್ಯದಲ್ಲಿ ಭಾರತೀಯ ಕ್ರಿಕೆಟ್ ತಂಡಕ್ಕಾಗಿ ಆಡಲು ನಾನು ಏನು ಮಾಡಬೇಕು ಎಂದು ಹುಡುಗ ಕೊಹ್ಲಿಗೆ ಸಲಹೆ ಕೇಳಿದರು. ಅದಕ್ಕೆ ಪ್ರತಿಕ್ರಿಯಿಸಿದ ಆ ಸ್ಟಾರ್ ಕ್ರಿಕೆಟಿಗ, "ಅದಕ್ಕಾಗಿ ನೀವು ತುಂಬಾ ಶ್ರಮಿಸಬೇಕು" ಎಂದು ಹೇಳಿದರು.
ನಿನ್ನ ತಂದೆ ನಿಮ್ಮನ್ನು ಪ್ರತಿದಿನ ಅಭ್ಯಾಸಕ್ಕೆ ಹೋಗು ಎಂದು ಹೇಳಬಾರದು. ಸ್ವತಃ ನೀವೇ ಬೆಳಗ್ಗೆ ಬೇಗನೆ ಎದ್ದು ಅಭ್ಯಾಸ ಮಾಡಲು ಹೋಗುಬೇಕು. ಯಾರಾದ್ರೂ ಒಂದು ಗಂಟೆ ಅಭ್ಯಾಸ ಮಾಡಿದ್ರೆ, ನೀವು ಎರಡು ಗಂಟೆ ಪ್ರ್ಯಾಕ್ಟಿಸ್ ಮಾಡಬೇಕು. ನಿಮಗೆ "ಅದೊಂದೇ ದಾರಿ" ಎಂದರು.
ಆ ಹುಡುಗ ಬೇರೆ ಯಾರೂ ಅಲ್ಲ.. ಕೊಹ್ಲಿಯ ಬಾಲ್ಯದ ಗೆಳೆಯ ಚಾವೆಜ್ ಮಗ ಕಬೀರ್. ನಾಲ್ಕನೇ ತರಗತಿ ವ್ಯಾಸಂಗ ಮಾಡುತ್ತಿರುವ ಕಬೀರ್ ವಿರಾಟ್ ಕೊಹ್ಲಿಯನ್ನು ನೋಡಲು ಅರುಣ್ ಜೇಟ್ಲಿ ಮೈದಾನಕ್ಕೆ ಬಂದಿದ್ದರು.
ಕರ್ನಾಟಕ ತಂಡ ಹರಿಯಾಣ ತಂಡವನ್ನು ಎದುರಿಸಲಿದೆ. ಇದರ ಜೊತೆಗೆ, ಬಿಸಿಸಿಐ ಪಂಜಾಬ್ vs ಬಂಗಾಳ ಮತ್ತು ಬರೋಡಾ vs ಜಮ್ಮು ಮತ್ತು ಕಾಶ್ಮೀರ ಪಂದ್ಯಗಳನ್ನು ನೇರ ಪ್ರಸಾರ ಮಾಡಲಿದೆ. ಕಳೆದ ಪಂದ್ಯದಲ್ಲಿ ಮುಂಬೈನಂತಹ ಬಲಿಷ್ಠ ತಂಡದ ವಿರುದ್ಧ ಜಮ್ಮು ಮತ್ತು ಕಾಶ್ಮೀರ ಅದ್ಭುತ ಗೆಲುವು ಸಾಧಿಸಿದ್ದು ತಿಳಿದಿರುವ ವಿಷಯ
