'ಸುದೀಪ್​ ವಿಶೇಷ ಉಡುಗೊರೆಗೆ ಬೆಲೆ ಕಟ್ಟೋಕ್ಕಾಗಲ್ಲ' - ಬಾಲ ಕಲಾವಿದನ ಮನದಾಳ

ಸುದೀಪ್​ ಸರ್​ ಕೊಟ್ಟ ಬ್ರೇಸ್​​ಲೈಟ್ ಬೆಲೆ ಎಷ್ಟು ಅನ್ನೋದು ನನಗೆ ಗೊತ್ತಿಲ್ಲ. ಆದ್ರೆ ಇದು ಸುದೀಪ್​ ಅವರು ಕೊಟ್ಟ ಹಿನ್ನೆಲೆ, ನನಗಿದು ಪ್ರೈಸ್​ಲೆಸ್ ಎಂದು ಬಾಲ ಕಲಾವಿದ ಯುವನ್​ ಬಹಳ ಪ್ರಬುದ್ಧರಾಗಿ ಉತ್ತರಿಸಿದ್ದಾರೆ.

ಕರ್ನಾಟಕದ ಅತ್ಯಂತ ಜನಪ್ರಿಯ ಕಾರ್ಯಕ್ರಮ ಎಂದು ನಂಬಲಾಗಿರುವ 'ಬಿಗ್​ ಬಾಸ್' ತನ್ನ 11ನೇ ಸೀಸನ್​ ಅನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಿಕೊಂಡಿದೆ. ಭಾನುವಾರ ಸಂಜೆ ಗ್ರ್ಯಾಂಡ್​ ಫಿನಾಲೆ ಕಾರ್ಯಕ್ರಮ ಬಹಳ ಅದ್ಧೂರಿಯಾಗಿ ಜರುಗಿದ್ದು, ಹಳ್ಳಿ ಹೈದ ಹನುಮಂತು ಟ್ರೋಫಿ ಜೊತೆ 50 ಲಕ್ಷ ರೂ. ನಗದು ಬಹುಮಾನವನ್ನು ಗೆದ್ದುಕೊಂಡಿದ್ದಾರೆ.

ಜನವರಿ 26ರ ಸಂಜೆ ಪ್ರಸಾರ ಕಂಡ ಕಾರ್ಯಕ್ರಮ ಬಹಳ ಅದ್ಧೂರಿಯಾಗಿ ಜರುಗಿತು. ಇದೇ ವೇದಿಕೆಯಲ್ಲಿ ಸುದೀಪ್​ ತಾಯಿಯ ಸ್ಮರಣೆ ನಡೆಯಿತು. 2024ರ ಅಕ್ಟೋಬರ್​​ 20ರಂದು ಕೊನೆಯುಸಿರೆಳೆದ ಸುದೀಪ್ ಅವರ ತಾಯಿ ಸರೋಜಾ ಅವರಿಗೆ ಬಿಗ್​ ಬಾಸ್​ ಕಾರ್ಯಕ್ರಮದಲ್ಲಿ ಗೌರವ ಸೂಚಿಸಲಾಯಿತು. ಹಾಡಿಗೆ ಅಮ್ಮ- ಮಗನ ಪಾತ್ರಗಳು ಜೀವ ತುಂಬಿದವು. ಇದು ಇಡೀ ಕಾರ್ಯಕ್ರಮವನ್ನೇ ಭಾವನಾತ್ಮಕ ಕ್ಷಣಕ್ಕೆ ಕೊಂಡೊಯ್ದಿತ್ತು.

🥺❤️ @KicchaSudeep#BBK11 #KicchaSudeep pic.twitter.com/FHet5G6G4z

— Kiccha Sudeep Trends™ (@TheSudeepTrends) January 26, 2025

ಯುವನ್​ ಕುಮಾರ್​ ಎಸ್​​​ಕೆ ಎಂಬ ಬಾಲ ಕಲಾವಿದ ಸುದೀಪ್​ ಅವರ ಬಾಲ್ಯಕ್ಕೆ ಜೀವ ತುಂಬಿದ್ದರು. ಈ ಬಗ್ಗೆ ಮಾಧ್ಯಮದವರೊಂದಿಗೆ ಮಾತನಾಡಿ, ''ಅವರೆದುರು ಮೊದಲ ಬಾರಿ ನೃತ್ಯ ಮಾಡಿದೆ. ಅವರನ್ನು ನೋಡಲು ಬಹಳ ಉತ್ಸುಕನಾಗಿದ್ದೆ. ಅವರೆದುರು ಡ್ಯಾನ್ಸ್ ಮಾತ್ತೇನೆಂದು ತಿಳಿದು ಬಹಳ ಖುಷಿ ಆಗಿತ್ತು'' ಎಂದು ತಿಳಿಸಿದರು.

ಸುದೀಪ್​ ಸರ್​ ನಿಮ್ಮನ್ನು ಎತ್ತಿ ಮುದ್ದಾಡಿದರು. ಮುತ್ತಿಟ್ಟು, ವಿಶೇಷ ಉಡುಗೊರೆಯನ್ನೂ ನೀಡಿದ್ರು, ಹೇಗನಿಸಿತು? ಎಂಬ ಪ್ರಶ್ನೆಗೆ ಪ್ರತಿಕ್ರಿಯಿಸಿ, ''ನನ್ನ ಬಾಲ್ಯ ತೋರಿಸಿದ್ದಕ್ಕೆ, ನಾನಾಗಿದ್ದಕ್ಕೆ ನಾನು ನಿಮಗೆ ಧನ್ಯವಾದ ಹೇಳುತ್ತೇನೆ ಎಂದು ಸುದೀಪ್​ ಸರ್​ ತಿಳಿಸಿದ್ರು. ನನಗೆ ಬಹಳ ಖುಷಿಯಾಯ್ತು. ಮುಂದೆ ಚೆನ್ನಾಗಿ ಬೆಳೆಯಿರಿ ಎಂದು ಹಾರೈಸಿದ್ರು'' ಅಂತಾ ಯುವನ್​​ ಆ ಕ್ಷಣವನ್ನು ನೆನಪಿಸಿಕೊಂಡರು.

ಸುದೀಪ್​ ತಮ್ಮ ಬ್ರೇಸ್​​ಲೈಟ್ ಕೊಟ್ಟ ಬಗ್ಗೆ ಮಾತನಾಡಿ, ಇದರ ಬೆಲೆ ಎಷ್ಟು ಅನ್ನೋದು ನನಗೆ ಗೊತ್ತಿಲ್ಲ. ಆದ್ರೆ ಇದು ಸುದೀಪ್​ ಅವರು ಕೊಟ್ಟ ಹಿನ್ನೆಲೆ ನನಗಿದು ಪ್ರೈಸ್​ಲೆಸ್ ಎಂದ ಬಹಳ ಪ್ರಬುದ್ಧರಾಗಿ ಉತ್ತರಿಸಿದ್ದಾರೆ.

ಇದನ್ನೂ ಓದಿ: ಪ್ರೀತಿ ಖಚಿತಪಡಿಸಿದ ರಶ್ಮಿಕಾ ಮಂದಣ್ಣ : ತಾವು ಆಕರ್ಷಿತರಾಗುವ ಗುಣ ಬಹಿರಂಗಪಡಿಸಿದ ನಟಿ

ನಾಲ್ಕನೇ ತರಗತಿಯಲ್ಲಿ ಓದುತ್ತಿರುವ ಯುವನ್​ ಅವರ ಪ್ರದರ್ಶನ ಬಹಳ ಉತ್ತಮವಾಗಿ ಮೂಡಿಬಂದಿತ್ತು. ಅದೆಷ್ಟೇ ತಡೆಯಲು ಯತ್ನಿಸಿದರೂ ಕೂಡಾ ಸುದೀಪ್​​ ಕಣ್ಣೀರು ಕಣ್ಣಂಚಿಂದ ಹೊರ ಬಂದೇ ಬಿಡ್ತು. ಕಾರ್ಯಕ್ರಮದಲ್ಲಿ ನೆರೆದಿದ್ದವರ ಕಣ್ಣುಗಳು ಸಹ ಒದ್ದೆಯಾಗಿದ್ದವು.

ಇದನ್ನೂ ಓದಿ: 'ಸವಾಲಿಗೆ ಸಿದ್ಧ': ವಿರಾಟ್ ಕೊಹ್ಲಿ ಬಯೋಪಿಕ್​ನಲ್ಲಿ ನಟಿಸುವ ಪ್ರಶ್ನೆಗೆ ವೀರ್ ಉತ್ತರ ಹೀಗಿದೆ

ಬಿಗ್​ ಬಾಸ್​ ಸೀಸನ್​ 11 ತನ್ನ ನಿರೂಪಣೆಯಲ್ಲಿ ಬರುವ ಕೊನೆಯ ಸೀಸನ್​ ಎಂದು ಸುದೀಪ್​ ಅವರು ಈಗಾಗಲೇ ಘೋಷಿಸಿದ್ದಾರೆ. ಬಹುಶಃ ಇದೇ ಕಾರಣಕ್ಕೆ, ಗ್ರ್ಯಾಂಡ್​ ಫಿನಾಲೆ ವೀಕ್ಷಿಸಲು​ ಸೆಟ್​ಗೆ ಸುದೀಪ್​ ಅವರ ತಂದೆ ಸಂಜೀವ್​ ಮತ್ತು ಮಗಳು ಸಾನ್ವಿ ಆಗಮಿಸಿದ್ದರು. ಸರೋಜಾ ಅವರ ನೆನಪಲ್ಲಿ ಅರ್ಪಿಸಲಾದ ವಿಶೇಷ ಪ್ರದರ್ಶನ ಸುದೀಪ್​ ಕುಟುಂಬ ಸೇರಿ ಕಾರ್ಯಕ್ರಮದಲ್ಲಿ ನೆರೆದಿದ್ದವರ ಕಣ್ಣೀರಿಗೆ ಕಾರಣವಾಯ್ತು. ಟಿವಿಯಲ್ಲಿ ಸುದೀಪ್​ ಕಣ್ಣೀರು ಕಂಡು ಬಹುತೇಕರು ಮರುಗಿದರು.