ಪ್ರೇಮಪಕ್ಷಿಗಳಾದ ರಾಕುಲ್ ಪ್ರೀತ್ ಸಿಂಗ್ ಮತ್ತು ಜಾಕಿ ಭಗ್ನಾನಿ ನಾಳೆ ಗೋವಾದಲ್ಲಿ ಹಸೆಮಣೆ ಏರಲಿದ್ದಾರೆ. ಈಗಾಗಲೇ ಮದುವೆ ಮುನ್ನಾ ದಿನದ ಕಾರ್ಯಕ್ರಮಗಳು, ಶಾಸ್ತ್ರಗಳು ಆರಂಭವಾಗಿವೆ. ವರದಿಗಳ ಪ್ರಕಾರ, ಈ ಲವ್ ಬರ್ಡ್ಸ್ಗಾಗಿ ನಟಿ ಶಿಲ್ಪಾ ಶೆಟ್ಟಿ ಮತ್ತು ರಾಜ್ ಕುಂದ್ರಾ ಸ್ಪೆಷಲ್ ಪರ್ಫಾಮೆನ್ಸ್ ನೀಡಲು ಸಜ್ಜಾಗಿದ್ದಾರೆ. ಮತ್ತೊಂದೆಡೆ, ಮ್ಯಾರೇಜ್ ಲೊಕೇಶನ್ನಿಂದ ಕೆಲ ಫೋಟೋಗಳು ವೈರಲ್ ಆಗಿ ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ಸದ್ದು ಮಾಡುತ್ತಿವೆ.
ಶಿಲ್ಪಾ ಮತ್ತು ರಾಜ್ ಜೋಡಿ ಜಾಕಿ ಕುಟುಂಬದೊಂದಿಗೆ, ವಿಶೇಷವಾಗಿ ವರನ ತಂದೆ ವಶು ಭಗ್ನಾನಿ ಜೊತೆ ಉತ್ತಮ ಭಾಂದವ್ಯ ಹೊಂದಿದ್ದಾರೆ. ಈ ಹಿಂದೆ ಶಿಲ್ಪಾ ಮತ್ತು ರಾಜ್ ಅವರ ವಿವಾಹ ಸಂಭ್ರಮಕ್ಕೆ ಜಾಕಿ ಭಗ್ನಾನಿ ಸಾಕ್ಷಿಯಾಗಿದ್ದು, ಸ್ಪೆಷಲ್ ಪರ್ಫಾಮೆನ್ಸ್ ಕೂಡ ನೀಡಿದ್ದರು. ಇದೀಗ ಶಿಲ್ಪಾ ರಾಜ್ ಜೋಡಿ ಪಂಜಾಬಿ ಹಾಡಿಗೆ ಹೆಜ್ಜೆ ಹಾಕಲಿದ್ದಾರೆ ಎಂಬ ಮಾಹಿತಿ ಇದೆ.
ರಾಕುಲ್ ಮತ್ತು ಜಾಕಿ ಮದುವೆ ಮುನ್ನದ ಕಾರ್ಯಕ್ರಮಗಳು ಈಗಾಗಲೇ ಗೋವಾದಲ್ಲಿ ಭರದಿಂದ ಸಾಗಿವೆ. ವಿವಾಹದ ಪ್ರಮುಖ ಶಾಸ್ತ್ರ ನಾಳೆ ಅಂದರೆ ಫೆಬ್ರವರಿ 21ರಂದು ಜರುಗಲಿದೆ. ಈ ಜೋಡಿ 2021ರ ಅಕ್ಟೋಬರ್ ನಲ್ಲಿ ತಾವು ರಿಲೇಶನ್ಶಿಪ್ನಲ್ಲಿರುವುದಾಗಿ ಸಾರ್ವಜನಿಕವಾಗಿ ಒಪ್ಪಿಕೊಂಡಿದ್ದರು. ಬಳಿಕ ಹಲವು ಈವೆಂಟ್ಗಳಲ್ಲಿ ಜೊತೆಯಾಗಿ ಕಾಣಿಸಿಕೊಂಡಿದ್ದರು. ತಮ್ಮ ಅಧಿಕೃತ ಸೋಷಿಯಲ್ ಮೀಡಿಯಾ ಖಾತೆಗಳಲ್ಲಿಯೂ ಸುಂದರ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ.
ಇದೀಗ ಗೋವಾದ ಮದುವೆ ಸ್ಥಳದಿಂದ ಕೆಲ ಚಿತ್ರಗಳು ಹೊರಬಿದ್ದಿವೆ. ರಾಕುಲ್ ಜಾಕಿ ಫ್ಯಾನ್ಸ್ ಪೇಜ್ಗಳು ಈ ಫೋಟೋಗಳನ್ನು ಹಂಚಿಕೊಂಡಿವೆ. ಒಂದು ಫೋಟೋ, ಹೂವುಗಳಿಂದ ಅಲಂಕರಿಸಲ್ಪಟ್ಟ ಬೋರ್ಡ್ ಆಗಿದೆ. 'ಭಗ್ನಾನಿ ಮತ್ತು ಸಿಂಗ್ ಕುಟುಂಬ ನಿಮ್ಮನ್ನು ಸ್ವಾಗತಿಸುತ್ತದೆ' ಎಂದು ಆ ಬೋರ್ಡ್ನಲ್ಲಿ ಬರೆಯಲಾಗಿದೆ. ಮತ್ತೊಂದು ಫೋಟೋ, ಎಳನೀರು / ತೆಂಗಿನಕಾಯಿಯದ್ದಾಗಿದೆ. ಅದರ ಮೇಲೆ ಆರ್ಜೆ ಎಂದು ಬರೆಯಲಾಗಿದೆ. ಮಾಹಿತಿ ಪ್ರಕಾರ, ಇದು ಅತಿಥಿಗಳಿಗೆ ಕೊಡುತ್ತಿರುವ ಸ್ವಾಗತ ಪಾನೀಯವಾಗಿದೆ.
ಇದನ್ನೂ ಓದಿ: ಚಿತ್ರರಂಗದಲ್ಲಿ 38 ವರ್ಷ ಪೂರೈಸಿದ ಶಿವಣ್ಣ: ಸೂಪರ್ ಸ್ಟಾರ್ಗಳೊಂದಿಗಿನ ಫೋಟೋಗಳಿಲ್ಲಿವೆ ನೋಡಿ
ಗೋವಾಕ್ಕೆ ತೆರಳುವ ಮೊದಲು ರಾಕುಲ್ ಮತ್ತು ಜಾಕಿ ಶನಿವಾರ ಬೆಳಗ್ಗೆ ಮುಂಬೈನ ಪ್ರಸಿದ್ಧ ಸಿದ್ಧಿವಿನಾಯಕ ದೇವಸ್ಥಾನಕ್ಕೆ ಭೇಟಿ ನೀಡಿ ಪೂಜೆ ಸಲ್ಲಿಸಿದ್ದರು. ಅದೇ ದಿನ ರಾತ್ರಿ ಗೋವಾ ಪ್ರಯಾಣ ಬೆಳೆಸಿದರು. ಏರ್ಪೋರ್ಟ್ನಿಂದ ವಿಡಿಯೋಗಳು ವೈರಲ್ ಆಗಿ, ಅಭಿಮಾನಿಗಳ ಮೆಚ್ಚುಗೆಗೆ ಪಾತ್ರವಾಯಿತು.
ಇದನ್ನೂ ಓದಿ: ರಾಕುಲ್-ಜಾಕಿ ಮದುವೆ: ಗೋವಾ ತಲುಪಿದ ವಧು-ವರ, ವಿಡಿಯೋ ನೋಡಿ
ಗೋವಾದ 'ಐಟಿಸಿ ಗ್ರ್ಯಾಂಡ್‌'ನಲ್ಲಿ ಅದ್ಧೂರಿ, ಪರಿಸರ ಸ್ನೇಹಿ ಮದುವೆ ನಡೆಯಲಿದೆ. ವರುಣ್ ಧವನ್ ಮತ್ತು ನತಾಶಾ ದಲಾಲ್ ದಂಪತಿ ಕೂಡ ಮದುವೆಗೆ ಹಾಜರಾಗಲಿದ್ದಾರೆ. ಸೋಮವಾರ ಈ ದಂಪತಿ ಗೋವಾ ವಿಮಾನ ನಿಲ್ದಾಣದಲ್ಲಿ ಕಾಣಿಸಿಕೊಂಡಿತ್ತು. ಅತಿಥಿಗಳ ಪಟ್ಟಿಯಲ್ಲಿ ಅಕ್ಷಯ್ ಕುಮಾರ್, ಟೈಗರ್ ಶ್ರಾಫ್, ರಿತೇಶ್ ದೇಶ್ಮುಖ್, ಸೋನಮ್ ಕಪೂರ್, ಆನಂದ್ ಅಹುಜಾ, ಶಾಹಿದ್ ಕಪೂರ್, ಭೂಮಿ ಪೆಡ್ನೇಕರ್, ಇಶಾ ಡಿಯೋಲ್ ಸೇರಿದಂತೆ ಹಲವರು ಇದ್ದಾರೆ. ಈ ಸೆಲೆಬ್ರಿಟಿಗಳು ಗೋವಾ ವಿಮಾನ ನಿಲ್ದಾಣದಲ್ಲಿ ಕಾಣಿಸಿಕೊಂಡಿದ್ದಾರೆ.
