ಕನ್ನಡ ಕಿರುತೆರೆಯ ಜನಪ್ರಿಯ ಕಾರ್ಯಕ್ರಮ ''ಬಿಗ್ ಬಾಸ್ ಸೀಸನ್ 11''ರ ಆರನೇ ವಾರದ ಆಟ ಸಾಗಿದೆ. ಎಂದಿನಂತೆ ಸ್ಪರ್ಧಿಗಳಿಗೆ ಟಾಸ್ಕ್ ಕೊಡಲಾಗಿದೆ. ಆದ್ರೆ ಮುಗ್ಧನಾಗಿ ಗುರುತಿಸಿಕೊಂಡಿರುವ ಹನುಮಂತು ಅವರಿಗೆ ಈ ಟಾಸ್ಕ್ನ ತೀರ್ಪು ಮುಳುವಾಗುವಂತೆ ತೋರಿದೆ. ಹನುಮಂತು ವಿರುದ್ಧ ಚೈತ್ರಾ ಕುಂದಾಪುರ ಹಾಗೂ ಗೌತಮಿ ತಮ್ಮ ಆಕ್ರೋಶ ಹೊರಹಾಕಿದ್ದಾರೆ. ನಿಯತ್ತಿನ ಆಟ ಆಡಿದ್ದಕ್ಕೆ ಈ ಸೀಸನ್ನಲ್ಲಿ ಕಿಚ್ಚನ ಚಪ್ಪಾಳೆಯನ್ನು ಹನುಮಂತು ಅವರು ಸ್ವೀಕರಿಸಿದ್ದರು. ಇದೀಗ ಅವರ ನಿಯತ್ತಿಗೇನೆ ಸಹ ಸ್ಪರ್ಧಿಗಳಿಂದ ಪ್ರಶ್ನೆ ಎದುರಾಗಿದೆ.
''ಬಂಡಾಯ ಎದ್ರು ಚೈತ್ರಾ, ಹನುಮಂತುಗೆ ತಡೆಯೋಕ್ಕಾಗುತ್ತಾ ಈ ಹೊಡೆತ?'' ಬಿಗ್ ಬಾಸ್ ಕನ್ನಡ ಸೀಸನ್ 11. ಸೋಮ-ಶುಕ್ರ ರಾತ್ರಿ 9:30ಕ್ಕೆ ಪ್ರಸಾರ ಎಂಬ ಕ್ಯಾಪ್ಷನ್ನೊಂದಿಗೆ ಇಂದಿನ ಸಂಚಿಕೆಯ ಪ್ರೋಮೋ ಅನಾವರಣಗೊಂಡಿದೆ. ಬಿ ಪಾಸಿಟಿವ್ ಎಂದು ಹೆಚ್ಚಾಗಿ ಪ್ರಬುದ್ಧತೆಯಿಂದಲೇ ಪರಿಸ್ಥಿತಿಯನ್ನು ನಿಭಾಯಿಸುವ ಗೌತಮಿ ಅವರೂ ಕೂಡಾ ತಮ್ಮ ತಾಳ್ಮೆ ಕಳೆದುಕೊಂಡಿದ್ದಾರೆ. ಉಳಿದಂತೆ ಚೈತ್ರಾ ಕುಂದಾಪುರ ಎಂದಿನಂತೆ ತಮ್ಮ ಅಸಮಾಧಾನ ಹೊರಹಾಕಿದ್ದಾರೆ.
ಇದನ್ನೂ ಓದಿ: 'ಬಿಗ್ ಬಾಸ್ ನನ್ನಮ್ಮನ ಅಚ್ಚುಮೆಚ್ಚಿನ ಕಾರ್ಯಕ್ರಮ': ಸುದೀಪ್ ಭಾವುಕ, ಧೈರ್ಯ ತುಂಬಿದ ಸರ್ವರಿಗೂ ಧನ್ಯವಾದ
ಬಿಗ್ ಬಾಸ್ ಮನೆಯಲ್ಲಿ ಟಾಸ್ಕ್ ಕೊಡಲಾಗಿದೆ. ಮಾತು ಕೊಡ್ತೀರಾ ಎಂದು ಮಂಜು ಶಿಶಿರ್ ಬಳಿ ಕೇಳಿದ್ದಾರೆ. ಪಕ್ಕಾ ಎಂದು ಇಬ್ಬರೂ ಪರಸ್ಪರ ಏನೋ ಒಪ್ಪಂದ ಮಾಡಿಕೊಂಡಿದ್ದಾರೆ. ಗೆಲ್ಲುವ ತಂಡ ಒಂದು ತಂಡವನ್ನು ಆಟದಿಂದ ಹೊರಗಿಡಬೇಕು ಎಂದು ಸೂಚಿಸಲಾಗಿದೆ. ಅದರಂತೆ ಚೈತ್ರಾ ಕುಂದಾಪುರ ಹಾಗೂ ಗೌತಮಿ ಅವರನ್ನು ಆಟದಿಂದ ಹೊರಗಿಟ್ಟಿರುವಂತೆ ತೋರಿದೆ. ಚೈತ್ರಾ ಮಾತನಾಡಿ, ಸೂಪರ್ ಹನುಮಂತಣ್ಣ, ನಿಮ್ಮ ಆಟದಲ್ಲೇ ಈ ನಿಯತ್ತನ್ನು ನೋಡಬೇಕಿತ್ತು ನಾನು. ವೋಟ್ ಹಾಕೋ ಜನಕ್ಕೆ ಯಾವ ನಿಯತ್ತಿನ ಬಗ್ಗೆ ಉತ್ತರ ಕೊಡ್ತೀರಿ ಎಂಬುದನ್ನು ನೋಡಬೇಕಿದೆ. ಜನ ನೋಡ್ತಾರೆ ಈ ನಿಯತ್ತನ್ನು ಎಂದು ಕಿಡಿಕಾರಿದ್ದಾರೆ. ಬಾ ಗುರು ನೋಡೇ ಬಿಡೋಣ, ಈವರೆಗೆ ಸುಮ್ಮನಿದ್ವಿ ಎಂದು ಗೌತಮಿ ಸಹ ಅಸಮಾಧಾನ ಹೊರಹಾಕಿದ್ದಾರೆ.
ಇದನ್ನೂ ಓದಿ: ಬಿಗ್ ಬಾಸ್ನಿಂದ ಮಾನಸಾ ಔಟ್: ಮುಖವಾಡ ಕಳಚಿತು ವಿಡಿಯೋ; ಬೆನ್ನಿಂದೆ ಮಾತನಾಡಿದ್ದೆಲ್ಲವೂ ಸ್ಪರ್ಧಿಗಳ ಮುಂದೆ
ಕಳೆದ ದಿನ ಸ್ಪರ್ಧಿಗಳು ಇತರರ ಬಗ್ಗೆ ಬೆನ್ನಿಂದೆ ಮಾತನಾಡಿದ ವಿಡಿಯೋವನ್ನು ಎಲ್ಲರ ಸಮ್ಮುಖದಲ್ಲಿ ಪ್ಲೇ ಮಾಡಲಾಗಿದೆ. ಇದು ಸ್ಪರ್ಧಿಗಳ ಮನಸ್ತಾಪಗಳಿಗೆ ತುಪ್ಪ ಸುರಿದಂತಿದೆ. ಮುಂದಿನ ದಿನಗಳಲ್ಲಿ ಈ ಕೋಪತಾಪಗಳು ಹೀಗೆ ಮುಂದುವರಿಯುತ್ತಾ ಅಥವಾ ಮನಸ್ತಾಪಗಳಿಗೆ ಫುಲ್ ಸ್ಟಾಪ್ ಇಡ್ತಾರಾ ಎಂಬುದನ್ನು ಕಾದು ನೋಡಬೇಕಿದೆ. ಸದ್ಯ ಇಂದಿನ ಸಂಚಿಕೆ ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗುತ್ತಿದ್ದು, ಸಂಪೂರ್ಣ ಸಂಚಿಕೆ ವೀಕ್ಷಿಸಲು ಪ್ರೇಕ್ಷಕರು ಕಾತರರಾಗಿದ್ದಾರೆ. ರಾತ್ರಿ 9:30ಕ್ಕೆ ಪ್ರಸಾರವಾಗಲಿದೆ.
