ಆಗ್ರಾ, ಉತ್ತರಪ್ರದೇಶ: ಬೆಳಂದಿಗಳ ಬೆಳಕಲ್ಲಿ ತಾಮ್ಮಹಲ್ ಸೌಂದರ್ಯವನ್ನು ಆಹ್ಲಾದ ಅನುಭವವೇ ಬೇರೆ. ಅದರಲ್ಲೂ ಶರದ್ ಪೂರ್ಣಿಮೆಯ ಚಮ್ಕಿ ದೃಶ್ಯ ಸವಿಯಲು ದೇಶ ವಿದೇಶಿ ಪ್ರವಾಸಿಗರು ಮುಂದಾಗುತ್ತಾರೆ. ಇದಕ್ಕಾಗಿ ಈ ಬಾರಿ ನಾಲ್ಕು ದಿನಗಳ ಕಾಲ ಪ್ರವಾಸಿಗರಿಗೆ ಅವಕಾಶ ನೀಡಲಾಗಿದ್ದು, ಈಗಾಗಲೇ ಎಲ್ಲಾ ಟಿಕೆಟ್ಗಳು ಬುಕ್ ಆಗಿವೆ.
ಬಿಳಿ ಅಮೃತಶಿಲೆಯಿಂದ ಮಾಡಿರುವ ತಾಜ್ ಮಹಲ್ ಹುಣ್ಣಿಮೆ ಬೆಳಕಿನಲ್ಲಿ ತನ್ನ ಸೌಂದರ್ಯವನ್ನು ಇಮ್ಮುಡಿಗೊಳಿಸುತ್ತದೆ. ಚಂದ್ರನ ಬೆಳಕು ಹಲವು ಕೋನಗಳಿಂದ ತಾಜ್ ಮಹಲ್ ಮೇಲೆ ಬೀಳುವ ಈ ಶರದ್ ಪೂರ್ಣಿಮೆಯ ಘಟನೆಯನ್ನು ಚಮ್ಕಿ ಎಂದು ಕರೆಯಲಾಗುವುದು. ಈ ರಾತ್ರಿ ತಾಜ್ ಮಹಲ್ ಮತ್ತುಷ್ಟು ಪ್ರಖರವಾಗಿ ಹೊಳೆಯುತ್ತದೆ. ಇದನ್ನು ಕಣ್ಮುಂಬಿಕೊಳ್ಳಲು ಅನೇಕ ಪ್ರವಾಸಿಗರು ಎಡಿಎ ತಾಜ್ ವೀವ್ ಪಾಯಿಂಟ್ನಲ್ಲಿ ಸೇರುತ್ತಾರೆ.
ಶರದ್ ಪೂರ್ಣಿಮೆಯ ಸಮಯದಲ್ಲಿ ಹೊಳೆಯುವ ತಾಜ್ ಮಹಲ್ ವೀಕ್ಷಣೆಗಾಗಿ ಭಾರತೀಯ ಪುರಾತತ್ವ ಇಲಾಖೆ ಆನ್ಲೈನ್ನಲ್ಲಿ ಈ ಮೊದಲೇ ಟಿಕೆಟ್ ಹಂಚಿಕೆ ಶುರು ಮಾಡುತ್ತದೆ. ನಾಲ್ಕು ದಿನದ ಟಿಕೆಟ್ ಈಗಾಗಲೇ ಬುಕ್ ಆಗಿದೆ. ಈ ಬಾರಿ ಈ ಹುಣ್ಣಿಮೆಯ ಸೊಬಗನ್ನು ಆಹ್ಲಾದಿಸಲು ವಿದೇಶಿ ಪ್ರವಾಸಿಗರು ಸೇರಿದಂತೆ ದೆಹಲಿ, ಮುಂಬೈಮ ಬೆಂಗಳೂರು, ಅಹಮದಾಬಾದ್, ಪುಣೆ, ಡೆಹ್ರಡೂನ್, ಭೋಪಾಲ್, ಲಕ್ನೋ, ಜೈಪುರ್ ಮತ್ತಿತ್ತರ ನಗರಗಳಿಂದ ಟಿಕೆಟ್ ಖರೀದಿಯಾಗಿದೆ.
ಏನಿದು ಚಮ್ಕಿ ವಿಸ್ಮಯ: ಹಿರಿಯ ಪ್ರವಾಸಿ ಗೈಡ್ ಶಂಶುದ್ದೀನ್ ಹೇಳುವಂತೆ, ವರ್ಷದ ಎಲ್ಲ ಹುಣ್ಣಿಮೆಗಳಿಗಿಂತ ಶರದ್ ಪೂರ್ಣಿಮೆಯ ಬೆಳಕು ತಾಜ್ ಮಹಲ್ ಸೌಂದರ್ಯವನ್ನು ಹೆಚ್ಚಿಸುತ್ತದೆ. ಹುಣ್ಣಿಮೆಯಿಂದ ಐದು ರಾತ್ರಿಗಳು ಈ ಮನೋಹರ ದೃಶ್ಯ ಕಾಣ ಸಿಗುತ್ತದೆ. ಈ ವೇಳೆ, ತಾಜ್ಮಹಲ್ ಮೇಲೆ ಬೀಳುವ ಚಂದ್ರನ ಬೆಳಕು ಸ್ಮಾರಕವನ್ನು ಹೊಳೆಯುವಂತೆ ಮಾಡುತ್ತದೆ. ಇದಕ್ಕೆ ಚಮ್ಕಿ ಎನ್ನಲಾಗುವುದು. ಈ ಬಾರಿ ಕೇವಲ ನಾಲ್ಕು ದಿನ ಮಾತ್ರ ಈ ದೃಶ್ಯ ಕಾಣಸಿಗಲಿದೆ ಎಂದಿದ್ದಾರೆ.
ಶರದ್ ಪೂರ್ಣಿಮೆಯ ಜಾತ್ರೆ: ಹಿರಿಯ ಇತಿಹಾಸಗಾರ ರಾಜ್ ಕಿಶೋರ್ ರಾಜೆ ಹೇಳುವಂತೆ ಬಿಳಿ ಅಮೃತ ಶಿಲೆಯ ಮೇಲೆ ಚಂದ್ರನ ಬೆಳಕು ಅದರ ಸೌಂದರ್ಯವನ್ನು ಹೆಚ್ಚಿಸುತ್ತಿತ್ತು. 1984ಕ್ಕೆ ಮುನ್ನ ಈ ದೃಶ್ಯ ಕಣ್ತುಂಬಿಕೊಳ್ಳಲು ಎಲ್ಲರಿಗೂ ಮುಕ್ತ ಅವಕಾಶ ನೀಡಲಾಗುತ್ತಿತ್ತು. ಆ ಸಂದರ್ಭದಲ್ಲಿ ಚಮ್ಕಿ ಏಳು ದಿನಗಳ ಕಾಲ ಇರುತ್ತಿತ್ತು. ಜನರು ಸಾಗರೋಪಾದಿಯಲ್ಲಿ ಸಾಗಿ ಈ ದೃಶ್ಯ ಆಸ್ವಾದಿಸುತ್ತಿದ್ದರು.
ಟಿಕೆಟ್ ದರ: ಆಗ್ರಾದಲ್ಲಿ ಗೃಹಾಭಿವೃದ್ಧಿ ಪ್ರಾಧಿಕಾರ ಎಡಿಎ ತಾಜ್ ಮಹಲ್ನ ಚಮ್ಕಿ ನೋಡಲು ಮೆಹ್ತಬ್ ಭಾಗ್ನಲ್ಲಿ ತಾಜ್ ವೀವ್ ಪಾಯಿಂಟ್ ಅಭಿವೃದ್ಧಿ ಮಾಡಿದೆ. ಯಮುನಾ ನದಿಯ ದಂಡೆಯ ಮೇಲೆ ಇದು ಇದ್ದು, ಇಲ್ಲಿ ಜನರು ಟಿಕೆಟ್ ಖರೀದಿಸಿದ ಹುಣ್ಣಿಮೆಯ ಸೊಬಗನ್ನು ಕಾಣಬಹುದು. ತಾಜ್ಮಹಲ್ನ ಸೂರ್ಯೋದಯ ಮತ್ತು ಸೂರ್ಯಾಸ್ತಕ್ಕೆ 50 ರೂ ಟಿಕೆಟ್ ನಿಗದಿಪಡಿಸಲಾಗಿದೆ. ವಿದೇಶಿಗರಿಗೆ 200 ರೂ ನಿಗದಿ ಮಾಡಲಾಗಿದೆ.
50-50ರ ವೇಳಾಪಟ್ಟಿಯಲ್ಲಿ ವೀಕ್ಷಣೆ: ಶರದ್ ಪೂರ್ಣಿಮೆಯ ದಿನದಂದು ತಾಜ್ ಮಹಲ್ ವೀಕ್ಷಣೆ ರಾತ್ರಿ 8 ರಿಂದ ಆರಂಭವಾಗಿ ಭಾನುವಾರ ರಾತ್ರಿವರೆಗೆ ಮುಂದುವರೆಯಲಿದೆ. ಶರದ್ ಪೂರ್ಣಿಮಾದಲ್ಲಿ ವೀಕ್ಷಣೆಯ ಸಮಯ ರಾತ್ರಿ 8ರಿಂದ 12ರವರೆಗೆ ಇರಲಿದೆ. ಇದನ್ನು 8 ಅವಧಿಯಾಗಿ ವಿಂಗಡಿಸಿ ಅರ್ಧ ಗಂಟೆಗಳ ವೀಕ್ಷಣೆಗೆ ಸಮಯ ನೀಡಲಾಗಿದೆ. ಒಂದು ಅವಧಿಯಲ್ಲಿ 50 ಪ್ರವಾಸಿಗರು ಪ್ರವೇಶ ಪಡೆಯಲಿದ್ದಾರೆ. ಒಂದು ರಾತ್ರಿಯಲ್ಲಿ 400 ಮಂದಿಗೆ ಅವಕಾಶ ನೀಡಲಿದ್ದು, ಈ ಸಂಬಂಧ ಎಲ್ಲಾ ಸಿದ್ಧತೆಗಳನ್ನು ಮಾಡಿಕೊಳ್ಳಲಾಗಿದೆ ಎಂದು ಎಎಸ್ಐನ ಸೂಪರಿಟೆಂಡೆಂಡಿಂಗ್ ಪುರಾತತ್ವಶಾಸ್ತ್ರಜ್ಞ ಡಾ ರಾಜ್ಕುಮಾರ್ ಪಟೇಲ್ ತಿಳಿಸಿದ್ದಾರೆ.
ವಿದೇಶಿಗರಿಗೆ 750 ಟಿಕೆಟ್: ಸುಪ್ರೀಂ ಕೋರ್ಟ್ ಆದೇಶದಂತೆ ರಾತ್ರಿ ತಾಜ್ ಮಹಲ್ ವೀಕ್ಷಣೆಗೆ ಆನ್ಲೈನ್ ಟಿಕೆಟ್ ನೀಡಲಾಗುವುದು. ಇದಕ್ಕಾಗಿ ಭಾರತೀಯರಿಗೆ ಒಂದು ಟಿಕೆಟ್ಗೆ 510 ಹಾಗೂ ವಿದೇಶಿ ಪ್ರವಾಸಿಗರಿಗೆ 750 ರೂ ಟಿಕೆಟ್ ದರ ನಿಗದಿಸಲಾಗಿದೆ. ಈ ಟಿಕೆಟ್ ಅನ್ನು ಶರದ್ ಪೂರ್ಣಿಮೆಗೆ ಮುನ್ನವೇ ಆನ್ಲೈನ್ನಲ್ಲಿ ನೀಡಲಾಗುವುದು.
ಇದನ್ನೂ ಓದಿ: ತಾಜ್ ಮಹಲ್ ಸೌಂದರ್ಯ ಕುಂದಿಸುತ್ತಿರುವ ಕೀಟಗಳು; ಕ್ರಮಕ್ಕೆ ಮುಂದಾದ ಎಎಸ್ಐ
