ಪಂಜಾಬ್​​ನಲ್ಲಿ ಭೀಕರ ಅಪಘಾತ: ಶಿಕ್ಷಕಿ ಮೇಲೆ ಹರಿದ ಟ್ರಕ್​​, ಸ್ಥಳದಲ್ಲೇ ದುರ್ಮರಣ

ಸಂಗ್ರೂರ್(ಪಂಜಾಬ್)​: ಪಂಜಾಬ್​ನ ಸಂಗ್ರೂರ್​​ನಲ್ಲಿ ಭೀಕರ ರಸ್ತೆ ಅಪಘಾತವೊಂದು ಸಂಭವಿಸಿದೆ. ಟ್ರಕ್​ವೊಂದು ಸ್ಕೂಟರ್​​ ಮೇಲೆ ಹರಿದು ಹೋಗಿದ್ದು, ಪರಿಣಾಮ ಶಿಕ್ಷಕಿ ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ. ಘಟನೆಯ ಸಂಪೂರ್ಣ ದೃಶ್ಯಾವಳಿ ಸ್ಥಳೀಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಶಿಕ್ಷಕಿ ಚಲಿಸುತ್ತಿದ್ದ ಸ್ಕೂಟರ್​ ಮೇಲೆ ಟ್ರಕ್​ ಹರಿದು ಹೋಗಿರುವ ವೇಗಕ್ಕೆ ಸ್ಕೂಟರ್​​ಗೆ ಬೆಂಕಿ ಹೊತ್ತಿಕೊಂಡಿದೆ. ಲಭ್ಯವಾಗಿರುವ ಮಾಹಿತಿ ಪ್ರಕಾರ 30 ವರ್ಷದ ಬವಿನಾ ದಗ್ರೋಲಿ ವಿಜ್ಞಾನ - ಗಣಿತ ಶಿಕ್ಷಕಿಯಾಗಿ ಸೇವೆ ಸಲ್ಲಿಸುತ್ತಿದ್ದರು. ಶಾಲೆ ಮುಗಿದ ಬಳಿಕ ಮನೆಗೆ ತೆರಳುತ್ತಿದ್ದ ವೇಳೆ ಈ ಘಟನೆ ನಡೆದಿದೆ. ಘಟನೆ ಬೆನ್ನಲ್ಲೇ ಟ್ರಕ್​ ಚಾಲಕ ಸ್ಥಳದಿಂದ ಪರಾರಿಯಾಗಿದ್ದು, ಆತನ ಬಂಧನ ಮಾಡುವಲ್ಲಿ ಪೊಲೀಸರು ಯಶಸ್ವಿಯಾಗಿದ್ದಾರೆ. ಶಿಕ್ಷಕಿಗೆ 5 ವರ್ಷದ ಬಾಲಕ ಹಾಗೂ ಪತಿ ಇದ್ದಾರೆ.