ನದಿಯಲ್ಲಿ ಸಿಲುಕಿದ ಟ್ರ್ಯಾಕ್ಟರ್​​.. ನೋಡ - ನೋಡುತ್ತಿದ್ದಂತೆ ಹರಿದು ಬಂದ ಪ್ರವಾಹದ ನೀರು.. ವಿಡಿಯೋ

ಗಾಂಧಿನಗರ (ಗುಜರಾತ್​): ನದಿಯಲ್ಲಿ ನೋಡ - ನೋಡುತ್ತಿದ್ದಂತೆ ಪ್ರವಾಹದ ನೀರು ಹರಿದು ಬಂದ ಟ್ರ್ಯಾಕ್ಟರ್​ವೊಂದು ಮುಳುಗಿರುವ ಘಟನೆ ಗುಜರಾತ್​ನಲ್ಲಿ ನಡೆದಿದೆ. ಗಾಂಧಿನಗರ ಜಿಲ್ಲೆಯ ಧನಿಯೋಲ್ ಗ್ರಾಮದಲ್ಲಿ ಬರಿದಾದ ಖಾರಿ ನದಿಯಲ್ಲಿ ಟ್ರ್ಯಾಕ್ಟರ್​ ಸಿಲುಕಿಕೊಂಡಿತ್ತು. ಏಳೆಂಟು ಜನರು ಅದನ್ನು ದಡಕ್ಕೆ ಸೇರಿಸಲು ಹರಸಾಹಸ ಪಡುತ್ತಿದ್ದರು. ಆದರೆ, ಭಾರಿ ಮಳೆಯಿಂದಾಗಿ ಇದ್ದಕ್ಕಿದ್ದಂತೆ ನದಿಗೆ ನೀರು ಹರಿದು ಬಂದಿದೆ. ಹೀಗಾಗಿ ಎಲ್ಲರೂ ಟ್ರ್ಯಾಕ್ಟರ್​ನನ್ನು ಅಲ್ಲಿಯೇ ಬಿಟ್ಟು ಓಡಿ ಬಂದಿದ್ದಾರೆ. ಇದಾದ ಕೆಲ ಕ್ಷಣಗಳಲ್ಲೇ ಟ್ರ್ಯಾಕ್ಟರ್ ನೀರಿನಲ್ಲಿ ಮುಳುಗಿದೆ. ಇದರ ದೃಶ್ಯಗಳು ಸ್ಥಳೀಯರ ಮೊಬೈಲ್​ನಲ್ಲಿ ಸೆರೆಯಾಗಿವೆ.